२.
ਕੋਇਲ ! ਕੁਕੇਂਦੀ ਨਾ ਫਬੇਂ :
"ਦਿਲ ਲੈ ਗਿਆ, ਦਿਲ ਲੈ ਗਿਆ"।
ਦਿਲ ਜਾਣ ਦੇਹ, ਸਿਰ ਜਾਣ ਦੇਹ,
ਜੇ ਹੈ ਗਿਆ ਸਿਰਦਾਰ ਵੱਲ।
ਜੇ ਨਹੀਂ ਦਿਲਦਾਰ ਨੇ ਦਿਲ,
ਬੁਲਬੁਲੇ ! ਮਕਬੂਲਿਆ,*
ਤੂੰ ਝੁਕੀ ਰਹੁ ਮਸਤ ਹੋਕੇ
ਯਾਰ ਦੇ ਦੀਦਾਰ ਵੱਲ।
'ਪੀ ਪੀ ਪਪੀਹਾ ਕਿਉਂ ਕਰੇ,
ਪੀਆ ਨਾ ਯਾਰਾਂ ਜਦ ਕਹੇ ?
ਦਿਲ ਧਰ ਤਲੀ ਤੇ ਭੇਟ ਲੈ,
ਟਕ ਬੰਨ੍ਹ ਪੀਅ ਦਰਬਾਰ ਵੱਲ।
ਦਿਲ ਦੇਵਣਾ, ਫਿਰ ਬੋਲਣਾ,
ਦਿਲ ਰੱਖਣਾ ਹੈ ਸੁਹਣਿਓ !
ਦਿਲ ਦੇ ਦਿਓ, ਦਿਲ ਵਾਲਿਓ !
ਸਿਰ ਟੇਕਕੇ ਸਰਦਾਰ ਵੱਲ।
ਦਿਲ ਦੇਣ ਦੀ ਆਸੰਙ ਨਹੀਂ,
ਦਿਲਬਰ ਬਣੋ, ਦਿਲ ਲੈ ਲਓ
ਆਜਿਜ਼ ਇਜਜ਼ ਦੇ ਨਾਲ ਹੈ
ਪਿਆ ਤੱਕਦਾ ਸਰਕਾਰ ਵੱਲ ! ੧੦
