ਤੂੰ ਜਰੂਰ ਉਸ ਰੱਬ ਨੂੰ ਪਿਆਰ ਦੀ ਖੁਸ਼ਬੂ ਦੀ ਤਰ੍ਹਾਂ ਮਹਿਸੂਸ ਕੀਤਾ ਹੋਵੇਗਾ। ਇਸ ਲਈ ਮੈਂ ਤੈਨੂੰ ਪਿਆਰ ਕਰਦੀ ਹਾਂ ਉਮਾ ।

-ਅੰਮ੍ਰਿਤਾ ਪ੍ਰੀਤਮ

ਇਹ ਸ਼ਬਦ ਉਹਨਾਂ ਮੇਰੀ ਕਵਿਤਾ ‘ਖਾਮਸੀ’ ਵਿਚੋਂ ਲਏ ਸਨ-

"ਤੈਰਦੀ ਮੇਰੇ ਉੱਤੇ

ਸਮੇਟਦੀ ਮੈਨੂੰ

ਖੜੋਤ ਦੇ ਵਿਚੋਂ ਦੀ

ਤੇਰੇ ਵੱਲ ਤੁਰਦੀ ਮੈਂ

ਤੇ ਫਿਰ ਤੇਰੀ ਗਲਵਕੜੀ ਵਿਚ

ਲੈਂਦੀ ਮੈਂ ਸਾਹ

ਪੂਰਨ ਚੁੱਪ ਦੇ”

 

ਉਹਨਾਂ ਨੇ ਕਿਤਾਬ ਚੁੱਕੀ ਤੇ ਮੈਨੂੰ ਕਿਹਾ, ''ਮੈਂ ਤੇਰੀ ਕਵਿਤਾ 'ਹਾਈ ਪੁਆਇੰਟ’ ਬਾਰੇ ਪੁੱਛਣਾ ਚਾਹੁੰਨੀ ਆ।"

..ਤੇ ਉਹ ਪੜ੍ਹਨ ਲੱਗ ਪਏ :

ਅਸੀਮ ਦੇ ਕਿਨਾਰਿਆਂ ਤੋਂ

ਤੇਰੇ ਵੱਲ

ਤੇਰੇ ਵਿਚ

ਬੂੰਦ ਬੂੰਦ ਡਿਗਦੀ ਮੈਂ

ਤੂੰ ਮੈਂ ਹੋਇਆ

ਤੇ ਮੈਂ ਤੂੰ

ਬਣਦੀਆਂ ਬਦਲਦੀਆਂ

ਲਹਿਰਾਂ

ਮਿਲਦੀਆਂ

ਤੇ ਲੰਘ ਜਾਂਦੀਆਂ

ਫਿਰ ਮਿਲਣ ਲਈ

ਵਾਰ ਵਾਰ ਮਿਲਣ ਲਈ।

ਉਹਨਾਂ ਨੇ ਪੜ੍ਹਨਾ ਬੰਦ ਕਰ ਦਿੱਤਾ। ਕੁਝ ਚਿਰ ਚੁੱਪ ਰਹਿਣ ਤੋਂ ਪਿੱਛੋਂ ਬੋਲੇ, "ਉਮਾ! ਕੀ ਤੂੰ ਆਪਣੇ ਗੁਆਚ ਗਏ ਪਿਆਰ ਬਾਰੇ ਗੱਲ ਕਰ ਰਹੀ ਏਂ ਕਿ ਉਸ