ਲਗਦਾ ਹੈ, ਇਮਰੋਜ਼ ਲਈ ਉਹ ਫਲ ਸੇਬ ਨਹੀਂ ਸੀ, ਅੰਗੂਰ ਸੀ। ਇਮਰੋਜ਼ ਨੂੰ ਅੰਗੂਰ ਬਹੁਤ ਪਸੰਦ ਹਨ। ਜਿਥੇ ਵੀ ਚੰਗੇ ਅੰਗੂਰ ਵੇਖਦਾ ਹੈ, ਖਰੀਦ ਲੈਂਦਾ ਹੈ।’

ਇਸ ਤਰ੍ਹਾਂ ਹੀ ਕਿਸੇ ਪ੍ਰਸੰਗ ਵਿਚ ਅੰਮ੍ਰਿਤਾ ਨੇ ਦੱਸਿਆ, ''ਪਹਿਲਾਂ ਜਦੋਂ ਕੋਈ ਇਮਰੋਜ਼ ਨੂੰ ਮਿਲਣਾ ਚਾਹੁੰਦਾ ਸੀ ਤਾਂ ਮੈਨੂੰ ਫੋਨ ਕਰਦਾ ਸੀ, ਪੁਛਦਾ 'ਕੀ ਇਹ ਅੰਮ੍ਰਿਤਾ ਜੀ ਦਾ ਘਰ ਹੈ ? ਮੇਰੇ ਹਾਂ ਕਹਿਣ ਉਤੇ ਅਗਲਾ ਸੁਆਲ ਹੁੰਦਾ, "ਕੀ ਇਮਰੋਜ਼ ਜੀ ਹੈਨ ?" ਮੈਂ ਹਾਂ ਕਹਿ ਕੇ, ਇਮਰੋਜ਼ ਨੂੰ ਛੂਹ ਕੇ ਕਹਿੰਦੀ, "ਵੇਖ, ਅੱਜ ਕਲ੍ਹ ਲੋਕ ਤੈਨੂੰ ਮੇਰੇ ਪਤੇ ਉੱਤੇ ਲੱਭ ਲੈਂਦੇ ਨੇ।"

ਮੇਰੇ ਸਾਹਵੇਂ ਟੁਕੜਿਆਂ ਵਿਚ ਇਕ ਵੱਖਰੀ ਜਿਹੀ ਪਿਆਰ ਕਹਾਣੀ ਉਜਾਗਰ ਹੋ ਰਹੀ ਸੀ, ਅਜ ਦੇ ਜ਼ਮਾਨੇ ਦੇ ਹੀਰ-ਰਾਂਝਾ ਤੇ ਸੁਹਣੀ ਮਹੀਂਵਾਲ ਦੀ।