४.
ਜੋ ਕੁਛ ਤੁਸੀਂ ਬਚਾਣਾ ਚਾਹਿਆ
ਅਕਲਾਂ ਖੂਬ ਦੁੜਾਕੇ
ਉਹ ਕੁਛ ਰੁੜ੍ਹ ਗਿਆ ਵਾਂਙ ਤੀਲਿਆਂ
ਰੁੜ੍ਹ ਗਈਆਂ ਸਭ ਦਾਨਾਈਆਂ
੫
ਕ੍ਰੋੜਾਂ ਲੱਖਾਂ ਹਜ਼ਾਰਾਂ ਲੋਕਾਂ
ਤਦ ਤੋਂ ਹੁਣ ਤਕ ਦੇਖੋ
ਨਿੰਦਿਆਂ ਤੁਸਾਂ ਦਾਨਾਈਆਂ
ਫਿਟਕਾਰਾਂ ਫਿਟਕਾਰਾਂ ਮਿਲਦੀਆਂ
ਅੱਜ ਤਕ ਤੁਸਾਂ ਦਾਨਾਈਆਂ
੬
ਵਾਹ ਤੇਰੀਆਂ ਦਾਨਾਈਆਂ ਦੁਨੀਆਂ
ਵਾਹ ਤੇਰੀਆਂ ਦਾਨੀਆਂ
ਖੰਭ ਅਕਲ ਦੇ ਸੜਦੇ ਜਿਥੇ
ਓਹ ਹੋਣੀਆਂ ਵਰਤਾਈਆਂ
ਵਾਹ ਤੇਰੀਆਂ ਦਾਨਾਈਆਂ ਦੁਨੀਆਂ
ਵਾਹ ਤੇਰੀਆਂ ਦਾਨਾਈਆਂ
੭
ਵਾਹ ਯੂਨਾਨੀ ਜੱਜ ਦਾਨਿਓ
ਵਾਹ ਤੁਹਾਡੀਆਂ ਦਾਨਾਈਆਂ
ਸੁਕਰਾਤ ਜਿਹੇ ਦਾਨੇ ਨੂੰ ਫੜ ਕੇ
ਵਿਹੁ ਪਿਆਲੀਆਂ ਪਿਲਵਾਈਆਂ
