ਤੁਹਾਨੂੰ ਕੀ ਦੇਣਾ, ਉਹਦੀ ਤੇ ਸਾਰੀ ਉਮਰ ਈ ਲੰਘ ਗਈ ਆ ਠੱਗੀਆਂ ਮਾਰਦੇ ਦੀ, ਉਹ ਤੇ ਮਰਨ ਮਾਰਨੋਂ ਨਹੀਂ ਡਰਨ ਵਾਲਾ।
ਵੱਸਣ - (ਟੋਲੀ ਲਾਗੇ ਆਉਂਦਾ ਹੋਇਆ) ਉਏ ਸੁੱਖ ਦੇ ਵਰ੍ਹਿਉ, ਚੌਥਾ ਜਾਂਦਾ, ਕੱਠਿਆਂ ਹੁੰਦਿਆਂ ਨੂੰ, ਕੋਈ ਚੰਦ ਚੜ੍ਹੂ ਜ਼ਰੂਰ ਈ। ਜਾਂ ਤੇ ਕਿਸੇ ਦਾ ਸਿਰ ਪਾਟੂ ਤੇ ਜਾਂ ਕੋਈ ਚੀਜ਼ ਤਾੜੀ ਹੋਈ ਹੋਣੀ ਏਂ, ਤੁਸੀਂ ਐਵੇਂ ਨਹੀਂ ।
ਹਰੀਆ - ਮੁਰਦਾ ਬੋਲੂ ਤੇ ਖੱਫਣ ਈ ਪਾੜੂ, ਸਾਨੂੰ ਤੂੰ ਕੀ ਸਮਝਿਆ ਕਾਲਿਆ ਕੱਟਿਆ, ਤੈਨੂੰ ਤੇ ਨਿਰਾ ਚੰਮ ਈ ਕੁੱਟਣਾ ਆਉਂਦਾ ਏ, ਨਾਲੇ ਪਈ ਹੁਣ ਚੁੱਕ ਲਉ ਕੰਨ ਸਾਰੇ ਜਣੇ ਸਾਨੂੰ ਇਕ ਮੋਰਚਾ ਵੀ ਫਤ੍ਹੇ ਕਰਨਾ ਪੈਣਾ ਜੇ।
ਮਹਿੰਗਾ - ਪਈ ਹਾਸੇ ਨਾਲ ਤੇ ਰਿਹਾ ਹਾਸਾ, ਮੈਂ ਐਤਕਾਂ ਚੋਰੀਂ ਛੱਪੀਂ ਗੁੜ ਵੇਚ ਕੇ ਛਿੱਲੜ ਜੋੜੇ ਨੇ ਦਸ ਵੀਹ, ਸਾਰੇ ਮੱਸਿਆ ਤੇ ਈ ਲਾ ਆਉਣੇ ਨੇ। ਉਏ ਅਰਜਣਾਂ ! ਐਤਕਾਂ ਤਵਿਆਂ ਦਾ ਵਾਜਾ ਰੱਜ ਕੇ ਸੁਣਨਾਂ ਆਂ, ਭਾਵੇਂ ਹੱਟੀ ਵਾਲੇ ਨੂੰ ਪਾਣੀਂ ਧਾਣੀਂ ਨਾ ਪਿਆਉਣਾ ਪਏ। ਲਉ ਖਾਂ ! ਆਹ ਤੇ ਬੜੇ ਈ ਤਜਬ ਵਾਲੀ ਗੱਲ ਆ, ਓਸ ਕਾਲੇ ਜਹੇ ਤਵੇ ਵਿਚੋਂ ਕਿੱਦਾਂ ਗਉਣ ਨਿਕਲਦੇ ਰਹਿੰਦੇ ਨੇ, ਕਿਉਂ ਉਏ ਈਸਰਾ ! ਪਈ ਉਹਦੇ ਵਿਚੋਂ ਕਦੀ ਗਉਣ ਨਹੀਂ ਮੁੱਕਦੇ ?
ਅਰਜਣ - ਮੈਨੂੰ ਤੇ ਪਈ ਇਕ ਹੋਰ ਫਿਕਰ ਪਿਆ ਹੋਇਆ ਏ,
