ਮੁਹੱਬਤਾਂ ਦੇ ਦਾਅ
ਆਜਾ ਖੇਡੀਏ ਮੁਹੱਬਤਾਂ ਦੇ ਦਾਅ ਹਾਣੀਆਂ
ਭਾਵੇਂ ਦੂਰ ਨੇ ਹਕੀਕਤਾਂ ਦੇ ਰਾਹ ਹਾਣੀਆਂ
ਮਾਂ ਦਿਆ ਚੰਨਿਆ ਵੇ ਦਿਲਾਂ ਦੇ ਨਵਾਬ ਮਾਹੀ
ਵੇਖ ਤੈਨੂੰ ਜਗਦੇ ਨੇ ਸਾਹਾਂ ਦੇ ਚਰਾਗ਼ ਮਾਹੀ
ਝੋਲੀ ਮੇਰੀ ਵਿਚ ਖ਼ੈਰਾਂ ਦੇ ਤੂੰ ਪਾ ਹਾਣੀਆਂ
ਆਜਾ ਖੇਡੀਏ ਮੁਹੱਬਤਾਂ ਦੇ ਦਾਅ ਹਾਣੀਆਂ
ਕਿੰਨਾਂ ਨਫ਼ਾ ਹੋਣਾ ਏ ਤੇ ਕਿੰਨਾਂ ਹਰਜਾਨਾ ਸਾਨੂੰ
ਹਾਲੇ ਤਾਂ ਵੇ ਸਹਿਣਾ ਪੈਣੇ, ਦੁਨੀਆਂ ਦਾ ਤਾਨਾ ਸਾਨੂੰ
ਭੈੜੇ ਲੋਕਾਂ ਦਾ ਖਾਵਾਂ ਕੀ ਵਸਾਅ ਹਾਣੀਆਂ
ਆਜਾ ਖੇਡੀਏ ਮੁਹੱਬਤਾਂ ਦੇ ਦਾਅ ਹਾਣੀਆਂ
ਉਮਰਾਂ ਦੇ ਪਾਣੀਆਂ 'ਚ ਘੁਲ਼ਆਿ ਸੰਧੂਰੀ ਰੰਗ
ਫਿਕੜੀ ਜਿਹੀ ਜਿੰਦਗੀ ਲਈ ਬੜਾ ਹੀ ਜ਼ਰੂਰੀ ਰੰਗ
ਸਾਨੂੰ ਰੰਗ ਦੇ ਤੂੰ ਆਪਣਾ ਚੜ੍ਹਾ ਹਾਣੀਆਂ
ਆਜਾ ਖੇਡੀਏ ਮੁਹੱਬਤਾਂ ਦੇ ਦਾਅ ਹਾਣੀਆਂ
