ਸੌ ਰੰਗ ਇਸ਼ਕੇ ਦੇ
ਬੁੱਝ ਲੈ ਜੇ ਬੁੱਝ ਸਕਦੈਂ
ਅੱਜ ਰੰਗਾਂ ਦੀ ਬਾਤ ਮੈਂ ਪਾਵਾਂ
ਇਕ ਰੰਗ ਦੇ ਦੇ ਅੜਿਆ
ਇਕੋ ਰੰਗ ਤੋਂ ਮੈਂ ਥੁੜ੍ਹਦੀ ਜਾਵਾਂ
ਸੌ ਰੰਗ ਇਸ਼ਕੇ ਦੇ
ਤੈਨੂੰ ਕਿਹੜਾ ਕਿਹੜਾ ਖੋਲ੍ਹ ਕੇ ਦਿਖਾਵਾਂ
ਇਕ ਸਾਡੇ ਖ਼ਾਬਾਂ ਨਾਲ ਦਾ
ਇਕ ਤੇਰੇ-ਮੇਰੇ ਹਾਸੇ ਵਰਗਾ
ਇਕ ਜਿਹੜਾ ਚਾਵਾਂ ਨੂੰ ਚੜ੍ਹੇ
ਇਕ ਦਿਲਾਂ ਦੇ ਦਿਲਾਸੇ ਵਰਗਾ
ਜਾਂ ਇਕ ਰੰਗ ਉਹ ਅੜਿਆ
ਲਿਆ ਸਾਂਭ ਜੋ ਸਾਡਿਆਂ ਸਾਹਵਾਂ
ਸੌ ਰੰਗ ਇਸ਼ਕੇ ਦੇ
ਤੈਨੂੰ ਕਿਹੜਾ-ਕਿਹੜਾ ਖੋਲ੍ਹ ਕੇ ਦੇ ਵਿਖਾਵਾਂ
ਇਕ ਰੰਗ ਧਰਤੀ ਦਾ
ਜਿਥੇ ਘੁਲ਼ ਗਈਆਂ ਉਮਰਾਂ ਲੰਮੇਰੀਆਂ