ਤਸਵੀਰ ਦਾ ਗੀਤ
ਬਿੰਦੀ ਨੂੰ ਵੀ ਭਾਗ ਲਗ ਗਏ
ਤੇਰੇ ਝੁਮਕੇ ਦੇਣ ਦੁਆਵਾਂ
ਲਾਲੀ ਹੋਰ ਲਾਲ ਹੋ ਗਈ
ਹੋਠਾਂ ਤੇਰਿਆਂ ਤੋਂ ਲੈਕੇ ਸ਼ੁਆਵਾਂ
ਨੀਂ ਸੁਰਮੇ ਨੂੰ ਨਜ਼ਰ ਲੱਗੀ
ਜਦੋਂ ਅੱਖੀਆਂ 'ਚ ਪਾ ਮਟਕਾਇਆ
ਮੈਂ ਕਿੰਨਾ ਚਿਰ ਰਿਹਾ ਤੱਕਦਾ
ਮੈਨੂੰ ਕਿੰਨਾ ਚਿਰ ਸਾਹ ਨਈਂ ਆਇਆ
ਮਹਿਕ ਤੇਰੀ ਨਾਲ ਤੁਰਦੀ
ਮੈਂ ਜਿੱਧਰ ਨੂੰ ਕਦਮ ਵਧਾਵਾਂ
ਅੱਖੀਆਂ 'ਚ ਖ਼ਾਬ ਵੱਸਦੇ
ਗਾਨੀ ਤੇਰੀ 'ਚ ਵੱਸਣ ਸਾਹ ਮੇਰੇ
ਰਾਤ ਤੇਰੇ ਵਾਲਾਂ 'ਚ ਸੌਵੇਂ
ਤੇਰੇ ਮੱਥੇ ਵਿਚੋਂ ਚੜ੍ਹਨ ਸਵੇਰੇ
ਹੋਵੇ ਜੇ ਇਜਾਜ਼ਤ ਜ਼ਰਾ
ਰੰਗ ਮਹਿੰਦੀ ਦਾ ਧੁੱਪਾਂ ਨੂੰ ਮਲ਼ ਆਵਾਂ
