ਭਾਂਬੜ ਨੂੰ ਸੀਤ ਜਿਹਾ ਕਰਦੇ
ਵੈਰੀ ਨੂੰ ਮੀਤ ਜਿਹਾ ਕਰਦੇ
ਗੀਤ ਉਦ੍ਹੇ ਨਾਂ ਦੇ ਵਰਗਾ
ਮਿਲਣੇ ਦੀ ਥਾਂ ਦੇ ਵਰਗਾ
ਕਿਸੇ ਪਿੰਡ ਗਰਾਂ ਦੇ ਵਰਗਾ
ਗੀਤ ਕੋਈ ਫਿਰਤਾਂ ਵਾਲਾ
ਗੀਤ ਕੋਈ ਕਿਰਤਾਂ ਵਾਲਾ
ਗੀਤ ਵੰਡ ਛਕੇ ਛਕਾਵੇ
ਗੀਤ ਜਿਹੜਾ ਬਾਣੀ ਗਾਵੇ
ਗੀਤ ਜਿਹੜਾ ਨਾਮ ਧਿਆਵੇ
ਗੀਤ ਉਦ੍ਹੀ ਅੱਖ ਦਾ ਸੁਰਮਾ.
ਗੀਤ ਉਦ੍ਹਾ ਤੁਰਨਾ ਤੁਰਨਾ
ਗੀਤ ਉਦ੍ਹੀ ਦੀਦ ਨਜ਼ਾਰੇ
ਰਾਤੀਂ ਜਿਉਂ ਚਮਕਣ ਤਾਰੇ
ਹਾਂ, ਹਾਂ, ਹਾਂ ਆਪ ਮੁਹਾਰੇ
ਪਿਆਰਾਂ ਦੇ ਚਾਨਣ ਵਰਗਾ
ਗੀਤ ਛਾਂ ਮਾਨਣ ਵਰਗਾ
ਹੱਥਾਂ ਦੇ ਨਿੱਘ ਜਿਹਾ ਕੋਸਾ
ਸੰਗਾਂ ਦਾ ਪਹਿਲਾ ਬੋਸਾ
