ਬਾਹਵਾਂ ਖੋਲ੍ਹੋ

ਜਦੋਂ ਵੀ ਮੈਨੂੰ ਐਸੀ ਹਾਲਤ ਦਾ ਸਾਹਮਣਾ ਕਰਨਾ ਪੈਂਦਾ ਹੈ ਜਿਸ ਵਿਚ ਉਸ ਵਿਅਕਤੀ ਨੇ ਬਾਹਵਾਂ 'ਬੰਦ' (ਜਾਂ ਮੋੜੀਆਂ ਜਾਂ ਫਸਾਈਆਂ) ਕੀਤੀਆਂ ਹੁੰਦੀਆਂ ਹਨ, ਤਾਂ ਮੈਂ ਉਸ ਵਿਅਕਤੀ ਨੂੰ ਕੁਝ ਕਰਨ ਜਾਂ ਖੋਲ੍ਹਣ ਲਈ ਦੇ ਦਿੰਦਾ ਹਾਂ। ਜੇ ਤੁਸੀਂ ਉਨ੍ਹਾਂ ਦੇ ਹੱਥ ਕੁਝ ਦੇਖਣ ਵਾਲੀ ਜਾਂ ਕਰਨ ਵਾਲੀ ਚੀਜ਼ ਫੜਾ ਦਿਉ ਤਾਂ ਬਾਹਵਾਂ ਵਲੋਂ ਖੜ੍ਹੀ ਕੀਤੀ ਹੋਈ ‘ਰੁਕਾਵਟ' ਖਤਮ ਹੋ ਜਾਂਦੀ ਹੈ।

“ ਕੋਸ਼ਿਸ਼ ਕਰੋ ਕਿ ਉਸ ਵਿਅਕਤੀ ਨੂੰ ਕੁਝ ਦੇਖਣ ਜਾਂ ਕਰਨ ਲਈ ਦੇ ਦਿੱਤਾ ਜਾਵੇ।"

ਮੈਨੂੰ ਯਾਦ ਹੈ ਕਿ ਇਕ ਵਾਰੀ ਆਪਣੇ ਕੰਮ ਦੇ ਸਿਲਸਲੇ ਵਿਚ ਇਕ ਇਸਤਰੀ ਸਾਥੀ ਨਾਲ ਮੈਂ ਇਕ ਗਾਹਕ ਨੂੰ ਕੰਮ ਬਾਰੇ ਪ੍ਰੀਜ਼ੈਂਟਸ਼ਨ ਦੇ ਰਿਹਾ ਸੀ ਕਿ ਅਚਾਨਕ ਹੀ ਉਹ ਗਾਹਕ ਦਿਲਚਸਪੀ ਲੈਣੋਂ ਹੱਟ ਗਿਆ। ਉਸ ਵਕਤ ਸਾਡੇ ਕੋਲ ਐਸਾ ਕੋਈ ਕਾਗਜ਼ ਜਾਂ ਇਸ਼ਤਿਹਾਰ ਨਹੀਂ ਸੀ ਜਿਹੜਾ ਉਸ ਦੇ ਹੱਥ ਫੜਾਇਆ ਜਾ ਸਕੇ। ਤੇ ਮੇਰੀ ਉਸ ਇਸਤ੍ਰੀ ਸਾਥੀ ਨੇ ਕੌਫੀ ਦੀ ਇਕ ਨਵੀਂ ਡੱਬੀ ਉਸ ਨੂੰ ਪਕੜਾਈ ਤੇ ਇਹ ਦਰਸਾਇਆ ਕਿ ਡੱਬੀ ਉਸ ਕੋਲੋਂ ਖੁਲ੍ਹ ਨਹੀਂ ਰਹੀ। ਨਾਲ ਹੀ ਉਸਨੇ ਉਸਨੂੰ ਡੱਬੀ ਖੋਲ੍ਹਣ ਲਈ ਬੇਨਤੀ ਕੀਤੀ। ਇਸ ਦੇ ਨਾਲ ਹੀ ਉਸ ਦੀਆਂ ਬਾਹਵਾਂ ਫਿਰ ਖੁਲ੍ਹ ਗਈਆਂ, ਸਮੇਂ ਤੋਂ ਥੋੜ੍ਹਾ ਪਹਿਲਾਂ ਹੀ ਕੌਫੀ ਪੀਣ ਦਾ ਪ੍ਰੋਗਰਾਮ ਬਣ ਗਿਆ ਅਤੇ ਨਾਲ ਹੀ ਇਹ ਪੁੱਛਣ ਦਾ ਮੌਕਾ ਵੀ ਬਣ ਗਿਆ ਕਿ ਹੋਰ ਕੋਈ ਸੁਆਲ ਹੈ? (ਕਿਸੇ ਮੁਸ਼ਕਿਲ ਵਿਚ ਪਈ ਔਰਤ ਦੀ ਮਦਦ ਲਈ ਪੁਕਾਰ ਵਾਕਈ ਹੀ ਬੜੀ ਤਾਕਤਵਰ ਹੁੰਦੀ ਹੈ!)