-ਜਦੋਂ ਪਿਆਸ ਲੱਗੀ ਹੁੰਦੀ ਹੈ ਉਦੋਂ ਪਾਣੀ ਵੀ ਦੁੱਧ ਵਾਂਗ ਲੱਗਦਾ ਹੈ।
-ਕਈ ਵਾਰ ਮੈਂ ਸੋਚਦਾ ਹਾਂ ਕਿ ਜਿਸ ਨੇ ਘੜੀ ਦੀ ਖੋਜ ਕੀਤੀ, ਉਸ ਵਕਤ ਉਸ ਇਨਸਾਨ ਦਾ ਸਮਾਂ ਚੰਗਾ ਚੱਲ ਰਿਹਾ ਹੋਵੇਗਾ।
-ਜਦੋਂ ਪੈਸਾ ਤੁਹਾਡੇ ਹੱਥ 'ਚ ਹੁੰਦਾ ਹੈ, ਉਦੋਂ ਜੱਗ ਤੁਹਾਡੇ ਹੱਕ 'ਚ ਹੁੰਦਾ ਹੈ।
-ਅੱਜ ਦੀ ਪੀੜ੍ਹੀ ਸ਼ਾਰਟਕੱਟ ਭਾਲਦੀ ਹੈ, ਪਹਿਲਾਂ ਵਾਲੀ ਪੀੜ੍ਹੀ ਹਾਲੇ, ਮਿਹਨਤਕਸ਼ ਸੀ।
-ਜਦੋਂ ਜਨਤਾ ਤੁਹਾਡੇ ਨਾਲ ਬਿਨਾਂ ਮਤਲਬ ਤੋਂ ਖਾਰ ਖਾਣ ਲੱਗ ਜਾਵੇ, ਫੇਰ ਸਮਝ ਲਓ ਤਰੱਕੀ ਨੇੜੇ ਤੇੜੇ ਹੀ ਹੈ।
-ਜੇਕਰ ਸ਼ਰਦਾ ਮੰਨ ਜਾਂਦੀ ਹੈ ਤਾਂ ਪੁੱਗਤ ਨਹੀਂ ਮੰਨਦੀ, ਜੇਕਰ ਪੁੱਗਤ ਮੰਨ ਜਾਂਦੀ ਹੈ ਤਾਂ ਸ਼ਰਦਾ ਨਹੀਂ ਮੰਨਦੀ।
-ਹੱਥ ਦੇ ਯਾਰ ਨੂੰ "ਹਥਿਆਰ" ਕਹਿੰਦੇ ਹਨ।
-ਜ਼ਿੰਦਗੀ ਵਿੱਚ ਇੱਕ ਗੱਲ ਯਾਦ ਰੱਖਿਓ, ਜਿੰਨੇ ਤੁਸੀਂ ਕਿਸੇ ਚੀਜ਼ ਨੂੰ ਹਾਸਲ ਕਰਨ ਲਈ ਹਾੜੇ ਅਤੇ ਤਰਲੇ ਕੱਢੋਗੇ, ਉਹ ਚੀਜ਼ ਤੁਹਾਡੇ ਤੋਂ ਉੱਨੀ ਹੀ ਦੂਰ ਹੁੰਦੀ ਜਾਵੇਗੀ।
-ਇੱਕ ਗੱਲ ਯਾਦ ਰੱਖੋ ਕਿ ਇੱਕ ਇਨਸਾਨ ਸਭ ਨੂੰ ਮਾੜਾ ਨਹੀਂ ਲੱਗ ਸਕਦਾ, ਅਤੇ ਉਹੀ ਇੱਕ ਇਨਸਾਨ ਸਭ ਨੂੰ ਚੰਗਾ ਨਹੀਂ ਲੱਗ ਸਕਦਾ।
