-ਇੱਜ਼ਤ ਜਦ ਦਹਿਲੀਜ਼ ਟੱਪ ਜਾਵੇ ਫੇਰ ਅਗਲੇ ਪਿਛਲੇ ਨਹੀਂ ਦੇਖਦੀ ਹੁੰਦੀ।
-ਰੂਹ ਦੀ ਮੈਲ ਨੂੰ ਸਾਫ਼ ਕਰਨ ਵਾਲੀ ਸਾਬਣ ਦਾ ਨਾਮ "ਪ੍ਰਾਰਥਨਾ" ਹੈ।
-ਹੁਸਨ ਪਹਿਲਾਂ ਧਿਆਨ ਦੀ ਮੰਗ ਕਰਦਾ ਹੈ, ਫੇਰ ਧਿਆਨ ਖਿੱਚਦਾ ਹੈ, ਅੰਤ ਧਿਆਨ ਨੂੰ ਭੰਗ ਕਰਦਾ ਹੈ।
-ਔਰਤ ਨੂੰ ਪ੍ਰਸੰਸਾ ਦੇ ਕਲਾਵੇ ਵਿੱਚ ਬੰਨ੍ਹ ਕੇ, ਉਸ ਨੂੰ ਆਪਣੀ ਕਾਮ ਵਾਸ਼ਨਾ ਦਾ ਸ਼ਿਕਾਰ ਬਣਾਉਣਾ, ਔਰਤ ਦਾ ਅਪਮਾਨ ਕਰਨਾ ਹੀ ਹੈ।
-"ਫੇਰ ਕਦੇ ਸਹੀ" ਵਾਕ ਨੂੰ ਬੋਲਦੇ ਬੋਲਦੇ ਕਈਆਂ ਨੇ ਆਪਣੀ ਜ਼ਿੰਦਗੀ, ਕਈ ਮਹੱਤਵਪੂਰਨ ਕੰਮ ਕੀਤੇ ਬਿਨਾਂ ਹੀ ਲੰਘਾ ਲਈ ਹੈ।
-ਮੈਨੂੰ ਇੱਕ ਸੱਜਣ ਮਿਲਿਆ, ਮੈਨੂੰ ਕਹਿੰਦਾ ਮੈਂ ਭਵਿੱਖ ਵਿੱਚ ਜੀ ਰਿਹਾ ਹਾਂ, ਮੈਂ ਕਿਹਾ ਉਹ ਕਿਵੇਂ, ਕਹਿੰਦਾ ਮੈਂ ਆਪਣੀ ਘੜੀ ਪੰਜ ਮਿੰਟ ਅੱਗੇ ਕਰ ਕੇ ਰੱਖਦਾ ਹਾਂ।
-ਲੋੜ, ਮਜ਼ਬੂਰੀ ਅਤੇ ਮਗ਼ਰੂਰੀ ਤਿੰਨੋਂ ਇਕੱਠੀਆਂ ਵਧਦੀਆਂ ਹਨ।
-ਪੁਰਸ਼ ਦੀ ਅਸਲੀ ਸਹਿਣਸ਼ੀਲਤਾ ਉਦੋਂ ਪਰਖੀ ਜਾਂਦੀ ਹੈ ਜਦ ਉਹ ਕਿਸੇ ਔਰਤ ਨੂੰ ਬਾਜ਼ਾਰ ਲੈ ਕੇ ਜਾਂਦਾ ਹੈ।
