-ਵਿੱਦਿਆ ਅਤੇ ਸੁਭਾਅ ਦਾ ਕੋਈ ਮੇਲ ਨਹੀਂ, ਪਰ ਵਿਹਾਰ ਦਾ ਹੋ ਸਕਦਾ ਹੈ।
-ਜੇ ਕਿਸੇ ਨੇ ਆਪਣੇ ਪਿਆਰ ਦਾ ਇਜ਼ਹਾਰ ਕਰਨਾ ਹੈ ਤਾਂ ਇਸ ਲਈ ਤੁਸੀਂ ਅੱਧੀ ਰਾਤ ਦਾ ਸਮਾਂ ਚੁਣ ਸਕਦੇ ਹੋ, ਕੀ ਪਤਾ ਉਹ ਇਨਸਾਨ ਆਪਣੀ ਗੂੜ੍ਹੀ ਨੀਂਦ ਵਿੱਚ ਤੁਹਾਨੂੰ "ਹਾਂ" ਹੀ ਕਰ ਦੇਵੇ।
-ਸਭ ਨੂੰ ਇਨਸਾਨ ਦੇ ਬਾਹਰੀ ਵਾਤਾਵਰਨ ਦੀ ਪਈ ਹੈ, ਕੋਈ ਇਨਸਾਨ ਦੇ ਅੰਦਰ ਦੇ ਵਾਤਾਵਰਨ ਤੇ ਵੀ ਨਿਗਾਹ ਮਾਰੋ।
-ਮਰਦ ਕੇਵਲ ਸ਼ੀਸ਼ਾ ਵੇਖਦੇ ਹਨ, ਔਰਤ ਸ਼ੀਸ਼ੇ ਨਾਲ ਗੱਲਾਂ ਵੀ ਕਰਦੀ ਹੈ।
-ਬਾਲ ਰੰਗਣ ਨਾਲ ਜਾਂ ਬਾਲ ਕੱਟਣ ਨਾਲ, ਅਕਲ 'ਚ ਕੋਈ ਫ਼ਰਕ ਨਹੀਂ ਪੈਂਦਾ ਹੁੰਦਾ।
-ਜੋ ਲੋਕ ਕਹਿੰਦੇ ਹਨ, ਔਰਤਾਂ ਦਾ ਦਿਮਾਗ਼ ਗਿੱਟਿਆਂ ਵਿੱਚ ਹੁੰਦਾ ਹੈ, ਦਿਮਾਗ਼ ਮੈਨੂੰ ਟਿਕਾਣੇ ਉਹ ਲੋਕਾਂ ਦਾ ਵੀ ਨਹੀਂ ਲੱਗਦਾ।
-ਜਦੋਂ ਇਨਸਾਨ ਤਰੱਕੀ ਕਰਦਾ ਹੈ ਤਾਂ ਉਸ ਦੇ ਪੈਰਾਂ ਹੇਠ ਤਿਲਕਣ ਦਾ ਪੈਦਾ ਹੋਣਾ, ਸਾਧਾਰਨ ਗੱਲ ਹੈ।
-ਇਨਸਾਨ ਦਾ ਸਭ ਤੋਂ ਵੱਡਾ ਸਲਾਹਕਾਰ ਕੋਈ ਹੋਰ ਨਹੀਂ ਬਲਕਿ ਉਹ ਆਪ ਹੀ ਹੁੰਦਾ ਹੈ।
