-ਕਿਸੇ ਖ਼ਾਸ ਲਈ, ਤੇਰੇ ਰੋਣ ਤੋਂ ਬਾਅਦ ਤੇਰਾ ਚਿਹਰਾ ਇਨ੍ਹਾਂ ਖੂਬਸੂਰਤ ਹੋ ਜਾਂਦਾ ਹੈ ਜਿੰਨਾ ਮੀਂਹ ਪੈਣ ਤੋਂ ਬਾਅਦ ਖੂਬਸੂਰਤ ਮੌਸਮ ਹੋ ਜਾਂਦਾ ਹੈ।
-ਅੱਜ ਦੇ ਸਮੇਂ ਵਿੱਚ ਕਲਾਕਾਰ ਬਹੁਤ ਹਨ ਜਦਕਿ ਕਲਾ ਦੀ ਘਾਟ ਹੈ।
-ਕੁਝ ਜ਼ੁਲਫਾਂ ਦੇ ਸੰਗਲ਼ਾਂ 'ਚ ਜਕੜੇ ਪਏ ਨੇ, ਕੁਝ ਬੇੜੀਆਂ 'ਚ ਲਿਪਟੇ ਆਜ਼ਾਦ ਜਾਪਦੇ।
-ਅੱਜ ਦੀ ਪਨੀਰੀ ਵਿਰਸੇ ਵਿੱਚ ਮਿਲੀ ਜ਼ਮੀਨ ਨਹੀਂ ਸੰਭਾਲ ਸਕਦੀ, ਵਿਰਸਾ ਕੀ ਸੰਭਾਲੇਗੀ।
-ਜਿਸ ਦਿਨ ਦੇ ਮੈਂ ਤੁਸੀਂ ਤੋਂ "ਆਪਾਂ" ਹੋ ਗਏ ਹਾਂ, ਸੱਚੀ ਦੱਸਾਂ ਅਸੀਂ, ਆਪਣਾ “ਆਪਾ” ਖੋ ਗਏ ਹਾਂ।
-ਕਈ ਵਾਰ ਅੱਖਾਂ ਦੀ ਲੜਾਈ 'ਚ ਦਿਲ ਮੱਲੋ ਮੱਲੀ ਮਾਰਿਆ ਜਾਂਦਾ ਹੈ।
-ਮੈਨੂੰ ਪੂਰਾ ਯਕੀਨ ਹੈ ਕਿ ਤਕੜੇ ਬੰਦੇ ਦੀ ਰੱਬ ਕੋਲ ਵੀ ਪੂਰੀ ਚੱਲ ਦੀ ਹੋਵੇਗੀ।
-ਪਰਦੇਸੀਆਂ ਦਾ ਸਾਰਾ ਘਰ ਬਾਰ ਉਨ੍ਹਾਂ ਦੀ ਅਟੈਚੀ ਵਿੱਚ ਹੁੰਦਾ ਹੈ।
-ਜਦ ਕੋਈ ਕਹਿੰਦਾ ਹੈ ਕਿ ਮੈਨੂੰ ਤੇਰੀ ਲੋੜ ਹੈ, ਇਸ ਵਾਕ ਵਿੱਚ, "ਕਿਸੇ ਹੋਰ ਦੇ ਆਉਣ ਤੱਕ" ਸ਼ਬਦ ਖਾਮੋਸ਼ ਹੁੰਦੇ ਹਨ।
