-ਅੱਜ ਦੇ ਲੋਕ ਅਤੇ ਉਨ੍ਹਾਂ ਦੀ ਲੋਕ-ਧਾਰਾ, ਇੱਕ ਦੂਸਰੇ ਦੇ ਵਿਰੁੱਧ ਚੱਲ ਰਹੀ ਹੈ।
-ਕਮਜ਼ੋਰ ਸਰੀਰ ਦਾ ਇਲਾਜ ਹੈ, ਪਰ ਕਮਜ਼ੋਰ ਵਿਚਾਰ ਦਾ ਨਹੀਂ।
-ਤੁਹਾਡੇ ਨਾਲ ਤੁਰਨ ਵਾਲਾ ਹਰ ਇਨਸਾਨ ਤੁਹਾਡਾ ਹਮਸਫ਼ਰ ਨਹੀਂ ਹੋ ਸਕਦਾ, ਰਾਹਗੀਰ ਵੀ ਹੋ ਸਕਦਾ ਹੈ।
-ਰੱਬ ਨੇ ਹਾਥੀ ਨੂੰ ਤਾਕਤ ਬਖ਼ਸ਼ੀ ਹੈ, ਪਰ ਰੱਬ ਨੇ ਹਾਥੀ ਨੂੰ ਵੱਡੇ ਕੰਨਾਂ ਨਾਲ ਸਾਜਿਆ ਹੈ, ਜੋ ਉਸ ਦੀ ਤਾਕਤ ਨੂੰ ਉਸ ਕੋਲੋਂ ਢੱਕ ਕੇ ਰੱਖਦੇ ਹਨ, ਪਰ ਜੇ ਕਿਤੇ ਹਾਥੀ ਨੂੰ ਆਪਣੀ ਵਿਸ਼ਾਲਤਾ ਦਾ, ਆਪਣੀ ਤਾਕਤ ਦਾ, ਅੰਦਾਜ਼ਾ ਲੱਗ ਜਾਵੇ, ਤਾਂ ਉਹ ਤਬਾਹੀ ਠਾਲ ਦੇਵੇਗਾ।
-ਕੁਝ ਲੋਕ ਤੁਹਾਨੂੰ ਜਾਣਦੇ ਹਨ ਪਰ ਅਫ਼ਸੋਸ ਜਾਣਦੇ ਨਹੀਂ।
-ਤੁਹਾਡੀਆਂ ਬੁਰੇ ਵਕਤ ਦੀਆਂ ਯਾਦਾਂ ਨੂੰ ਯਾਦਗਾਰ ਬਣਨ ਦਾ ਮੌਕਾ ਨਾ ਦਿਓ।
-ਕੁਝ ਚੀਜ਼ਾਂ ਦੇ ਮੁੱਲ ਘੱਟ, ਮਾਅਨੇ ਜ਼ਿਆਦਾ ਹੁੰਦੇ ਹਨ।
-ਇਨਸਾਨ ਨੂੰ ਆਪਣੀ ਔਕਾਤ ਭੁੱਲਣੀ ਨਹੀਂ ਚਾਹੀਦੀ ਅਤੇ ਮਿਹਰਬਾਨੀ ਯਾਦ ਰੱਖਣੀ ਨਹੀਂ ਚਾਹੀਦੀ।
