-ਮਿਹਨਤਕਸ਼ ਅਤੇ ਧਿਆਨੀ ਇਨਸਾਨ ਆਪਣੇ ਸਿਰਹਾਣੇ ਜ਼ਿੰਮੇਵਾਰੀ ਰੱਖ ਕੇ ਸੌਂਦਾ ਹੈ, ਅਲਾਰਮ ਨਹੀਂ।
-ਰੱਸੀਆਂ ਦੇ ਸੱਪ ਬਣਾਉਣੇ ਬੰਦ ਕਰੋ, ਕਿਉਂਕਿ ਰੱਸੀਆਂ ਦੇ ਸੱਪ ਜ਼ਹਿਰ ਨਹੀਂ ਉਗਲਦੇ ਹੁੰਦੇ।
-ਵਿਆਹ ਮਗਰੋਂ ਕੁਝ ਇਨਸਾਨਾਂ ਦੀ ਸਾਹਿਬਾ ਵਾਲੀ ਹਾਲਤ ਹੋ ਜਾਂਦੀ ਹੈ।
-"ਚੁੱਪ ਅਤੇ ਸਬਰ" ਦੋਹਾਂ ਦੀ ਦੋਸਤੀ ਹੋਣੀ ਚਾਹੀਦੀ ਹੈ, ਤਾਂ ਹੀ ਸਹਿਣਸ਼ੀਲਤਾ ਆਵੇਗੀ, ਨਹੀਂ ਤਾਂ ਨਹੀਂ।
-ਜਿਹੜਾ ਇਨਸਾਨ ਛੇਤੀ ਹੀ ਪੈਰ ਛੱਡ ਜਾਂਦਾ ਹੈ, ਸੰਗਮਰਮਰ ਉਨ੍ਹਾਂ ਪੈਰਾਂ ਲਈ ਨਹੀਂ ਬਣੇ।
-ਔਰਤ ਆਪਣੀ ਗੁੱਤ ਵਿੱਚ, ਆਪਣੇ ਜੂੜੇ ਵਿੱਚ, ਸਾਰੇ ਘਰ-ਪਰਿਵਾਰ ਦੀ ਸਪੁਰਦਗੀ ਗੁੰਦ ਕੇ ਰੱਖਦੀ ਹੈ।
-ਅੱਜ ਦੇ ਸਮੇਂ ਦੀ ਮੰਗ ਇਹ ਹੈ, ਕਿ ਜਿੰਨੀ ਹੈਸੀਅਤ ਹੋਵੇਗੀ, ਉਨੀ ਹੀ ਅਹਿਮੀਅਤ ਹੋਵੇਗੀ, ਹੁਣ ਇਹ ਦੋਵੇਂ ਬੰਧਨ ਨਾਲ ਨਾਲ ਹੀ ਚੱਲਣਗੇ।
-ਸ਼ਾਂਤੀ ਜਿਸ ਦੀ ਭੰਗ ਹੈ, ਉਸ ਲਈ ਸ਼ੋਰ ਦੇ ਵਿੱਚ ਅਨੰਦ ਹੈ।
-ਪਤੀ ਜਿੱਤੀ ਹੋਈ ਸਰਕਾਰ ਵਰਗਾ ਹੁੰਦਾ ਹੈ ਅਤੇ ਆਸ਼ਕ ਆਉਣ ਵਾਲੀ ਸਰਕਾਰ ਵਰਗਾ।
