-ਜਦ ਝੂਠ ਸੱਚ ਦੇ ਭਾਅ ਵਿਕਣ ਲੱਗ ਜਾਵੇ, ਫੇਰ ਕਾਹਦਾ ਇਨਸਾਫ਼?
-ਝਾਂਜਰ ਦੇ ਬੋਰ ਦੇ ਪੱਟੇ, ਅਸਲੇ ਦੇ ਬੋਰ ਖੁੱਲਣ ਤੇ ਅੱਖਾਂ ਨਹੀਂ ਖੋਲਦੇ ਹੁੰਦੇ।
-ਮਾਂਵਾਂ ਨੂੰ ਬੁਲਾਉਣ ਲਈ ਹਾਕ ਨਹੀਂ ਮਾਰਨੀ ਪੈਂਦੀ।
-ਪਰਿੰਦਿਆਂ ਨੂੰ ਇਹ ਬਹੁਤ ਵੱਡਾ ਵਹਿਮ ਹੈ ਕਿ ਬਨ੍ਹੇਰੇ ਉਨ੍ਹਾਂ ਨੂੰ ਉਡੀਕ ਰਹੇ ਹਨ।
-ਜੇ ਰੋਗ ਮੁੱਲ ਖਰੀਦਣੇ ਚਾਹੁੰਦੇ ਹੋ ਤਾਂ ਕਰਜ਼ਾ ਲੈ ਲੋ।
-ਜੇ ਇਨਸਾਨ ਰੱਬ ਨਾਲ ਸਹਿਮਤ ਹੈ ਤਾਂ ਰਹਿਮਤ ਹੈ।
-ਮੂੰਹ ਮੀਆਂ ਮਿੱਠੂ ਤੋਤੇ ਨੂੰ ਸੁਣਨ ਲਈ, ਮਿਰਚ ਖਲ਼ਾਉਣ ਦੀ ਵੀ ਲੋੜ ਨਹੀਂ ਪੈਂਦੀ।
-ਹਰ ਕੁੜੀ ਨੂੰ ਆਪਣੇ ਪ੍ਰੇਮੀ ਤੇ ਇੰਨਾ ਵਿਸ਼ਵਾਸ ਨਹੀਂ ਹੁੰਦਾ, ਜਿੰਨਾ ਆਪਣੇ ਦੋਸਤ ਉੱਤੇ ਹੁੰਦਾ ਹੈ।
-ਇਸ਼ਕ ਹੋਣਾ ਅਤੇ ਇਸ਼ਕ ਕਰਨਾ, ਇਹ ਇੱਕ ਵਿਅਕਤੀਗਤ ਗੱਲ ਹੈ।
-ਉਹ ਮੈਨੂੰ ਕਹਿੰਦੀ ਮੇਰੇ ਲਈ ਤਾਜ ਬਣਵਾ ਦਿਓਗੇ, ਮੈਂ ਕਿਹਾ ਤੂੰ ਮੇਰੇ ਬਿਨਾਂ ਮਰ ਨਹੀਂ ਸਕਦੀ, ਮੈਂ ਤੇਰੇ ਬਿਨਾਂ ਜਿਉਂ ਨਹੀਂ ਸਕਦਾ, ਅੱਗੋਂ ਕਹਿੰਦੀ ਮੈਨੂੰ ਸਿਰ ਦਾ ਤਾਜ ਬਣਾ ਲਵੋ ਜੇ, ਤੁਹਾਨੂੰ ਤਾਜ ਬਣਵਾਉਣ ਦੀ ਲੋੜ ਨਹੀਂ"।
