-ਔਰਤ ਨਰ ਦੋਸਤ ਬਣਾਉਣਾ ਚਾਹੁੰਦੀ ਹੈ ਪਰ ਕੋਈ ਵੀ ਨਰ, ਔਰਤ ਦਾ ਦੋਸਤ ਨਹੀਂ ਬਣਨਾ ਚਾਹੁੰਦਾ। ਸਭ ਮਹਿਬੂਬ ਬਣਨਾ ਚਾਹੁੰਦੇ ਹਨ।
-ਕਈਆਂ ਨੂੰ ਕਿਤਾਬਾਂ ਖਰੀਦਣ ਅਤੇ ਸਾਂਭਣ ਦਾ ਹੀ ਸ਼ੌਕ ਹੁੰਦਾ ਹੈ, ਪੜ੍ਹਨ ਦਾ ਨਹੀਂ।
-ਮਾੜੇ ਵਜ਼ੀਰ, ਚੰਗਾ ਰਾਜਾ ਨਹੀਂ ਵਿਕਸਿਤ ਕਰ ਸਕਦੇ।
-ਪਹਿਲਾਂ ਰੱਬ ਜ਼ਾਹਿਰ, ਫੇਰ ਜੱਗ ਜ਼ਾਹਿਰ ਕਰੋ।
-ਹੱਕਾਂ ਲਈ ਲਾਇਆ ਧਰਨਾ, ਵੱਡਿਆਂ-ਵੱਡਿਆਂ ਦੇ ਧਰਨ ਪਾਕੇ ਰੱਖ ਦਿੰਦਾ ਹੈ।
-ਕਾਮੀਆਂ ਵੱਲੋਂ, ਬੇਸ਼ੱਕ ਜਨੂੰਨ ਜਜ਼ਬੇ ਉੱਠ ਲਲਕਾਰ ਦੇ ਨੇ, ਪਰ ਸਾਡੀਆਂ ਉਮੀਦਾਂ ਭੁੱਖ ਹੜਤਾਲ ਤੇ ਨੇ।
-ਨਿਆਣੇ ਦੇ ਹੱਥ ਮਾੜੀ ਕਿਤਾਬ ਫੜਾਉਣਾ, ਉਸ ਦੇ ਹੱਥ ਬੰਦੂਕ ਫੜਾਉਣ ਦੇ ਬਰਾਬਰ ਹੈ।
-ਜੇਕਰ ਕਲਾਕਾਰ, ਕਲਾਕਾਰ ਰਹੇ ਤਾਂ ਠੀਕ ਹੈ, ਜੇਕਰ ਕਲਾਕਾਰੀਆਂ ਕਰਨ ਲੱਗ ਜਾਵੇ, ਫੇਰ ਕੰਮ ਵਿਗੜ ਜਾਂਦਾ ਹੈ।
-“ਆਹ ਵੀ ਲੈਣਾ ਹੈ, ਉਹ ਵੀ ਲੈਣਾ ਹੈ, ਜੇ ਬਚਪਨ ਵਿੱਚ ਨਿਆਣੇ ਦੀ ਇਸ ਆਦਤ ਨੂੰ ਟੋਕਿਆ ਨਾ ਜਾਵੇ, ਤਾਂ ਵੱਡਾ ਹੋਕੇ ਉਹੀ ਨਿਆਣਾ ਆਪਣੀਆਂ ਮੰਗਾਂ ਦਾ ਵਿਸ਼ਲੇਸ਼ਣ ਨਹੀਂ ਕਰ ਪਾਏਗਾ।
