-ਜਦ ਤੁਹਾਡਾ ਬਟੂਆ ਖ਼ਾਲੀ ਹੁੰਦਾ ਹੈ, ਵਿੱਚ ਧਨ ਨਹੀਂ ਹੁੰਦਾ ਉਦੋਂ ਉਸ ਵਿੱਚ ਅਨੁਭਵ ਹੁੰਦਾ ਹੈ।
-ਅੱਜ ਕੱਲ੍ਹ ਘਰਾਂ ਦੇ ਵਿੱਚ ਕੇਵਲ ਸਮਾਨ ਹੁੰਦਾ ਹੈ, ਸਨਮਾਨ ਨਹੀਂ।
-ਹਰ ਕਿਸੇ ਦੀ ਜ਼ਿੰਦਗੀ ਨੂੰ ਅੱਜ ਕੱਲ੍ਹ ਲੋਕਾਂ ਨੇ ਇੱਕ "ਖਿੜਕੀ" ਬਣਾ ਰੱਖਿਆ ਹੈ ਜਿਸ ਵਿੱਚੋਂ ਦੀ ਉਹ ਝਾਕਦੇ ਹੀ ਰਹਿੰਦੇ ਹਨ।
-ਕੁਝ ਲੋਕਾਂ ਦੀ ਸਲਾਹ "ਧਮਕੀ" ਵਰਗੀ ਹੁੰਦੀ ਹੈ।
-ਅੰਬਰ ਕੁਦਰਤੀ ਤੰਬੂ ਹੈ, ਜਿਸ ਨੇ ਧਰਤੀ ਦੇ ਕੁੱਲ ਵਾਸੇ ਨੂੰ ਓਟ ਦੇ ਕੇ ਬੁੱਕਲ ਮਾਰ ਰੱਖੀ ਹੈ।
-ਅਸਲ ਵਿੱਚ ਅਕਲ ਜਾੜ੍ਹ ਦਿਮਾਗ਼ ਵਿੱਚ ਹੁੰਦੀ ਹੈ, ਦੰਦਾਂ ਵਿੱਚ ਨਹੀਂ।
-ਜੇਕਰ ਇਨਸਾਨ ਜਲਦੀ ਉੱਠਣ ਦੀ ਆਦਤ ਪਾ ਲਵੇ ਤਾਂ ਉਸ ਦੀਆਂ ਅੱਧੀਆਂ ਸਮੱਸਿਆਵਾਂ ਤਾਂ ਸੁਭਾਵਿਕ ਹੀ ਠੀਕ ਹੋ ਜਾਣਗੀਆਂ।
-ਕਿਤਾਬ ਦੇ ਖੁਦ ਛਪਣ ਵਿੱਚ ਜਾਂ ਛਪਵਾਉਣ ਵਿੱਚ ਧਰਤ ਅਤੇ ਫ਼ਲਕ ਜਿੰਨਾ ਫ਼ਰਕ ਹੈ।
-ਕਿਤੇ ਨਾ ਕਿਤੇ, ਕਿਵੇਂ ਨਾ ਕਿਵੇਂ ਅਸੂਲਾਂ ਉੱਪਰ ਆਪਣੀ ਜਾਂ ਦੂਜਿਆਂ ਦੀ ਸੁਤੰਤਰਤਾ ਖੋਹਣ ਦਾ ਦੋਸ਼ ਜ਼ਰੂਰ ਲੱਗਦਾ ਹੈ।
