-ਅੰਗਰੇਜ਼ੀ ਭਾਸ਼ਾ ਦੀ ਇੱਕ ਖਾਸੀਅਤ ਇਹ ਵੀ ਹੈ ਕਿ ਇਸ ਭਾਸ਼ਾ ਵਿੱਚ ਕਿਸੇ ਨੂੰ ਇੱਜ਼ਤ ਦੇਣ ਲਈ "ਜੀ" ਲਗਾਉਣ ਦੀ ਲੋੜ ਨਹੀਂ ਪੈਂਦੀ।
-ਜੇਕਰ ਵਿਦੇਸ਼ਾਂ ਵਿੱਚ ਭਾਰਤੀਆਂ ਦਾ ਲਗਾਤਾਰ ਆਉਣਾ ਜਾਣਾ ਰਿਹਾ ਤਾਂ ਕੁਝ ਦਹਾਕਿਆਂ ਬਾਅਦ ਉਥੋਂ ਦੇ ਸਖਤ ਕਾਨੂੰਨਾਂ ਦੀ ਬੜੀ ਸਖ਼ਤੀ ਨਾਲ ਉਲੰਘਣਾ ਹੋਣੀ ਸ਼ੁਰੂ ਹੋ ਜਾਵੇਗੀ।
-ਘੰਟੇ ਹਰ ਇਨਸਾਨ ਲਈ 24 ਹੀ ਹੁੰਦੇ ਹਨ ਪਰ ਮਿਹਨਤਕਸ਼ ਲੋਕ 24 ਘੰਟਿਆਂ ਨੂੰ ਮਿਹਨਤ ਕਰ ਕਰ ਕੇ 48 ਬਣਾ ਲੈਂਦੇ ਹਨ।
-ਪੂਰੀ ਕਾਇਨਾਤ ਇੱਕ ਦੌੜ ਵਿੱਚ ਲੱਗੀ ਹੈ ਜਿੰਨ੍ਹਾਂ ਨੂੰ ਨਾ ਤਾਂ ਮੰਜ਼ਿਲ ਦਾ ਪਤਾ ਹੈ, ਨਾ ਜਿੱਤ ਦਾ ਅਤੇ ਨਾ ਹੀ ਹਾਰ ਦਾ।
-ਜਿਵੇਂ ਜਿਵੇਂ ਬਿਰਧਾਂ ਦਾ ਸਤਿਕਾਰ ਘਟਦਾ ਜਾ ਰਿਹਾ ਹੈ ਓਵੇਂ ਓਵੇਂ ਬਿਰਧ ਆਸ਼ਰਮ ਵਧਦੇ ਜਾ ਰਹੇ ਹਨ।
-ਕੁਝ ਜੀਅ ਘਰਾਂ ਨੂੰ ਉਡੀਕਦੇ ਹਨ ਅਤੇ ਕੁਝ ਘਰ ਜੀਆਂ ਨੂੰ।
-ਪਿਆਰ ਨਾਲ ਕੀਤੀ ਇੱਜ਼ਤ ਅਤੇ ਡਰ ਨਾਲ ਕੀਤੀ ਇੱਜ਼ਤ ਵਿੱਚ ਬਹੁਤ ਵਿਵਿਧਤਾ ਹੈ।
