-ਕੁਝ ਲੋਕਾਂ ਦੇ ਕੇਵਲ ਸਿਰ ਹੁੰਦੇ ਹਨ ਦਿਮਾਗ਼ ਨਹੀਂ, ਕੁਝ ਲੋਕਾਂ ਦੇ ਕੇਵਲ ਦਿਮਾਗ਼ ਹੁੰਦੇ ਹਨ ਪਰ ਅਕਲ ਨਹੀਂ।
-ਕਈ ਇਨਸਾਨਾਂ ਦੀ ਸੋਚ ਉਹ ਲੱਭ ਰਹੀ ਹੈ ਜੋ ਅਜੇ ਗਵਾਚਿਆ ਹੀ ਨਹੀਂ।
-ਇਨਸਾਨ ਦਾ ਲਾਲਚ ਕਰਜ਼ੇ ਦੇ ਵਿਆਜ ਦੀ ਤਰ੍ਹਾਂ ਵਧਦਾ ਹੈ, ਜਿਸ ਨੂੰ ਭਰਨਾ ਅਸੰਭਵ ਹੈ।
-ਕੁਝ ਪ੍ਰਸਥਿਤੀਆਂ ਵਿੱਚ ਇਨਸਾਨ ਸਿਰਫ਼ ਝੁਕਦਾ ਹੈ, ਨੀਵਾਂ ਕਦੇ ਨਹੀਂ ਹੁੰਦਾ।
-ਜੋ ਵਸਤੂ ਕਿਸੇ ਦੂਸਰੇ ਇਨਸਾਨ ਕੋਲ ਵਧੀਆ ਲੱਗਦੀ ਹੈ ਜ਼ਰੂਰੀ ਨਹੀਂ ਉਹ ਤੁਹਾਡੇ ਕੋਲ ਵੀ ਵਧੀਆ ਲੱਗੇ।
-ਕਈਆਂ ਦੀ ਕਲਾ, ਕਈਆਂ ਲਈ ਬਲ਼ਾ ਹੁੰਦੀ ਹੈ।
-ਸੋਚਣਾ ਇੱਕ ਕਲਾ ਹੈ ਅਤੇ ਸਿਰਫ਼ ਸੋਚਣਾ ਇੱਕ ਬਲ਼ਾ ਹੈ।
-ਲਿਖਾਰੀ ਸਿਹਤਮੰਦ ਵੀ ਹੋਣਾ ਚਾਹੀਦਾ ਹੈ ਅਤੇ ਸਾਹਿਤ-ਮੰਦ ਵੀ।
-ਗੁਨਾਹਗਾਰ ਇੱਕ ਗੁਨਾਹ ਕਰਦਾ ਹੈ, ਜੋ ਅੱਗੇ ਗੁਣਾ ਹੁੰਦੇ ਜਾਂਦੇ ਹਨ।
-ਪੈਸੇ ਦਾ ਮੋਹ ਇਨਸਾਨ ਨੂੰ ਥੱਕਣ ਨਹੀਂ ਦਿੰਦਾ, ਅੱਕਣ ਨਹੀਂ ਦਿੰਦਾ, ਕਿਧਰੇ ਹੋਰ ਪਲਾਂਘ ਪੁੱਟਣ ਨਹੀਂ ਦਿੰਦਾ।
