-ਜਦ ਜੋਬਨ ਆਪਣੇ ਜੋਬਨ ਵਿੱਚ ਹੈ ਤਦ ਅਣਹੋਣੀ ਕੋਈ ਹੋਵਣ ਵਿੱਚ ਹੈ।
-ਜੇਕਰ ਕਲਯੁਗ ਦੀ ਕੋਈ ਸੀਮਾ ਹੁੰਦੀ ਤਾਂ ਭਗਤੀ ਕੇਂਦਰਾਂ ਦੇ ਦਰਾਂ ਨੂੰ ਕੁੰਡਾ ਨਾ ਹੁੰਦਾ, ਹਿਫ਼ਾਜ਼ਤ ਲਈ ਪਹਿਰੇਦਾਰ ਨਾ ਹੁੰਦੇ।
-ਚਾਬੀ ਭਰਿਆ ਤੋਤਾ ਸਿਰਫ਼ ਆਪਣੇ ਪਰ ਹਿਲਾ ਸਕਦਾ ਹੈ ਪਰ ਉੱਡ ਨਹੀਂ ਸਕਦਾ।
-ਬਹੁਤੇ ਚੰਗੇ ਦੀ ਰਾਏ ਅਤੇ ਹੋਛੇ ਬੰਦੇ ਦੀ ਹਾਏ, ਭੱਠਾ ਬਠਾ ਦਿੰਦੀ ਹੈ।
-ਉਮਰ ਦੇ ਇੱਕ ਪੜਾਅ ਤੇ ਸਮਾਂ ਆਪਣੇ ਵਿੱਚ ਹੀ ਸਮਾ ਜਾਂਦਾ ਹੈ ਅਤੇ ਸ਼ਮਾਂ ਵਾਂਗ ਜਲਦਾ ਰਹਿੰਦਾ ਹੈ।
-ਜੇਕਰ ਇਨਸਾਨ ਪਹਿਲਾਂ ਆਪਣੀ ਕਮਜ਼ੋਰੀ ਨੂੰ ਮਿਲੇ ਤਾਂ ਫਿਰ ਸਫ਼ਲਤਾ ਨੂੰ ਅਸਾਨੀ ਨਾਲ ਮਿਲ ਸਕਦਾ ਹੈ।
-ਅੱਜ ਕੱਲ੍ਹ ਕੰਡੇ ਗੁਲਾਬ ਦੀ ਰਾਖੀ ਨਹੀਂ ਕਰਦੇ ਬਲਕਿ ਉਸ ਲਈ ਹੋਰ ਕੰਡੇ ਬੀਜ ਦਿੰਦੇ ਹਨ।
-ਜੋ ਬੇ-ਤਰਕ ਹੈ ਉਹ ਬੇ-ਧੜਕ ਹੈ।
-ਲਾਲਚ ਵਫ਼ਾਦਾਰੀ ਨੂੰ ਖਰੀਦਣ ਦੀ ਸਮਰੱਥਾ ਰੱਖਦਾ ਹੈ।
