-ਇਹ ਭੰਡਾਂ ਦੀ ਦੁਨੀਆ ਵਿੱਚ ਹਰ ਇਨਸਾਨ ਮਦਾਰੀ ਹੈ ਅਤੇ ਜ਼ਿੰਦਗੀ ਇੱਕ ਤਮਾਸ਼ਾ ਹੈ।
-ਕਿਸੇ ਵੀ ਭਾਸ਼ਾ ਉੱਪਰ ਹੱਕ ਇਨਸਾਨ ਦਾ ਹੁੰਦਾ ਹੈ, ਧਰਮ ਦਾ ਨਹੀਂ।
-ਅੱਡੀਆਂ ਚੁੱਕੇ ਤੋਂ ਇਨਸਾਨ ਕੇਵਲ ਲੰਬਾ ਦਿਸਦਾ ਹੈ ਪਰ ਉਹ ਉੱਚ ਪੱਧਰ ਜਾਂ ਅਹੁਦੇ ਦਾ ਨਹੀਂ ਬਣ ਸਕਦਾ।
-ਭਾਰਤ ਵਿੱਚ ਕੁਝ ਵਿਚਾਰ ਕੇਵਲ ਸੁਣਨ ਨੂੰ ਹੀ ਚੰਗੇ ਲੱਗਦੇ ਹਨ ਪਰ ਜਦ ਉਨ੍ਹਾਂ ਨੂੰ ਅਸਲ ਵਿੱਚ ਲਿਆਇਆ ਜਾਵੇਗਾ ਤਾਂ ਉਹ ਸਮਾਜ ਦੀ ਸੋਚ ਤੇ ਖਰੇ ਨਹੀਂ ਉੱਤਰ ਪਾਉਣਗੇ।
-ਹਰ ਇਸ਼ਕ ਮੁਹੱਬਤ ਦੇ ਕਿੱਸੇ ਵਿੱਚ ਕੋਈ ਨਾ ਕੋਈ "ਕੈਦੋਂ" ਜ਼ਰੂਰ ਹੁੰਦਾ ਹੈ।
-ਵਿਕਰੇਤਾ ਨੂੰ ਸਲਾਹ, ਕੋਈ ਵੀ ਚੀਜ਼ ਜੇਕਰ ਨਹੀਂ ਵਿਕ ਰਹੀ ਤਾਂ ਉਸ ਨੂੰ ਖਰੀਦਦਾਰ ਬਣ ਕੇ ਵੇਚੋ।
-ਵਰਦੀ ਦਾ ਰੋਹਬ ਘੱਟ, ਧੌਂਸ ਜ਼ਿਆਦਾ ਹੁੰਦੀ ਹੈ।
-ਚੜ੍ਹਦੀ ਜਵਾਨੀ ਵਿੱਚ ਨਸ਼ੇ ਦੀ ਲੱਤ ਦਾ, ਕੁੱਤੇ ਦੀ ਹੱਡੀ ਵਾਲਾ ਸਵਾਦ ਹੁੰਦਾ ਹੈ।
-ਅਹੁਦਾ ਕਿੰਨਾ ਵੀ ਮਰਜ਼ੀ ਵੱਡਾ ਹੋ ਜਾਵੇ ਪਰ ਕਿਸੇ ਵੀ ਧਰਮ ਤੋਂ ਵੱਡਾ ਨਹੀਂ ਹੋ ਸਕਦਾ ਹੈ।
