-ਜੇਕਰ ਡੋਰ ਕੱਚੀ ਹੋਵੇ, ਫੇਰ ਹਵਾ ਨੂੰ ਕੀ ਦੋਸ਼?
-ਭੁਲੇਖਾ ਇਹ ਪੈ ਗਿਆ ਕਿ ਜਿਸ ਨੂੰ ਅਸੀਂ ਨਦੀ ਸਮਝ ਰਹੇ ਸੀ ਅਸਲ ਵਿੱਚ ਉਹ ਤਾਂ ਦਰਿਆ ਹੈ।
-ਜੇ ਆਦਮ ਨੂੰ ਆਮਦ ਹੋਈ ਤਾਂ ਇਨਸਾਨ ਬਣਿਆ ਅਤੇ ਇਨਸਾਨ ਨੂੰ ਆਮਦ ਹੋਈ ਤਾਂ ਹੈਵਾਨ ਬਣਿਆ।
-ਮੁੱਢੋਂ ਚੱਲ ਦੀ ਪਰੰਪਰਾ ਉੱਪਰ ਕਈ ਵਾਰ ਹੱਕਾਂ ਨੂੰ ਖੋਹਣ ਦਾ ਦੋਸ਼ ਲੱਗਿਆ ਹੈ ਅਤੇ ਲੱਗਦਾ ਰਹਿਣਾ ਹੈ।
-ਭਾਰਤ ਵਿੱਚ ਧਰਮ ਇੱਕ ਰਾਜਨੀਤਕ ਹਥਿਆਰ ਹੈ।
-ਤਿਆਗੀ ਨੂੰ ਸਵਾਦ ਮਾੜਾ ਹੈ।
-ਅੱਲੜ੍ਹ ਕੁਆਰੀ ਨੂੰ ਆਸ਼ਕ ਦਾ ਦਿੱਤਾ ਗਲ ਦਾ ਹਾਰ, ਗਲੇ ਤੇ ਰੱਖੀ ਛੁਰੀ ਵਰਗਾ ਹੁੰਦਾ ਹੈ।
-ਗੁੱਸੇ ਦੀ ਨੀਂਹ ਕੱਚੀ ਹੁੰਦੀ ਹੈ।
-ਜ਼ਿੰਦਗੀ ਦਾ ਸਮਾਂ ਵਿਅਰਥ ਗਵਾਉਣ ਦਾ ਜੁਰਮਾਨਾ ਬਹੁਤ ਭਾਰੀ ਹੈ।
-ਹਾਦਸੇ, ਜ਼ਿੰਦਗੀ ਵਿੱਚ ਸ਼ਸ਼ੋਪੰਜ ਨੂੰ ਬਰਕਰਾਰ ਰੱਖਦੇ ਹਨ।
-ਕੁਝ ਜਵਾਨਾਂ ਨੇ ਸਾਰਾ ਜ਼ੋਰ ਤੀਰ ਤਿੱਖੇ ਕਰਨ ਉੱਪਰ ਲਗਾ ਰੱਖਿਆ ਹੈ, ਜਦ ਕਿ ਕਮਾਨ ਫੜਨ ਦਾ ਉਨ੍ਹਾਂ ਨੂੰ ਅਜੇ ਵਲ ਹੀ ਨਹੀਂ।
