-ਜੇਕਰ ਅਰਾਧਨਾ ਵੀ ਘੜੀ ਵੇਖ ਕੇ ਕੀਤੀ ਤਾਂ ਕੀ ਕੀਤੀ।
-ਮਾੜੇ ਸੰਗ ਦੇ ਸੰਘ ਨੂੰ ਹੱਥ ਪਾਉਣਾ, ਸੌਖਾ ਨਹੀਂ ਹੁੰਦਾ।
-ਫ਼ਾਇਦਾ ਨਿਆਣੇ ਜੁਆਕ ਵਰਗਾ ਹੁੰਦਾ ਹੈ, ਜਿਸ ਨੂੰ ਹਲਕਾ ਸਮਝ ਕੇ ਹਰ ਕੋਈ ਚੁੱਕਣਾ ਚਾਹੁੰਦਾ ਹੈ।
-ਕੱਲੀਆਂ ਸੁੱਖਾਂ ਸੁੱਖਣ ਨਾਲ ਮੁਕਾਮ ਹਾਸਲ ਨਹੀਂ ਹੁੰਦੇ, ਮਿਹਨਤ ਕਰੋ।
-ਜਦ ਸਿੱਧੀ ਉਂਗਲ ਨਾਲ ਘਿਉ ਨਾ ਨਿਕਲੇ ਤਾਂ ਰੱਬ ਦਾ ਭਾਣਾ ਮੰਨ ਕੇ ਰੋਟੀ ਬਿਨ ਚੋਪੜੇ ਹੀ ਖਾ ਲੈਣੀ ਚਾਹੀਦੀ ਹੈ।
-ਭਾਰਤ ਵਿੱਚ ਨਾ ਰੋਜ਼ਗਾਰ ਦੀ ਕਮੀ ਹੈ ਅਤੇ ਨਾ ਹੀ ਬੇਰੁਜ਼ਗਾਰ ਦੀ।
-ਆਲਸੀ ਇਨਸਾਨ ਦੀ ਨਿਸ਼ਾਨੀ ਹੈ ਕਿ ਉਹ ਧਰਤੀ ਉੱਪਰ ਪਹਿਲਾ ਪੱਬ ਧਰਦਾ ਹੀ ਪੁੱਛਦਾ ਹੈ “ਅਜੇ ਹੋਰ ਕਿੰਨਾ ਤੁਰਨਾ ਹੈ"।
-ਡਾਕਟਰਾਂ ਲਈ ਸੁਝਾਅ, ਹਸਪਤਾਲਾਂ ਨੂੰ ਹਸਪਤਾਲ ਰਹਿਣ ਦਿਓ, ਦੁਕਾਨ ਨਾ ਬਣਾਓ।
-ਜਿਸ ਪਰਿਵਾਰ ਵਿੱਚ ਸਾਰੇ ਸਦੱਸਿਆਂ ਦੀ ਚੱਲ ਦੀ ਹੋਵੇ, ਉਹ ਪਰਿਵਾਰ ਕਿਸੇ ਵੀ ਮਾਮਲੇ ਵਿੱਚ ਕਦੇ ਉਚਿੱਤ ਨਿਰਣੇ ਨਹੀਂ ਲੈ ਪਾਉਂਦਾ ਅਤੇ ਅੰਤ ਬਹਿਸਬਾਜ਼ੀ ਵਿੱਚ ਹੀ ਬੱਧਿਆ ਰਹਿ ਜਾਂਦਾ ਹੈ।
