-ਮਿੱਤਰਾ ਨਹੁੰ ਵੱਡੇ ਹੋਣ ਤੇ, ਨਹੁੰ ਕੱਟੀਦੇ ਆ ਉਂਗਲਾਂ ਨਹੀਂ ਅਤੇ ਸਿਰ ਦੇ ਬਾਲ ਵੱਡੇ ਹੋਣ ਤੇ ਬਾਲ ਕੱਟੀਦੇ ਆ ਸਿਰ ਨਹੀਂ।
-ਖਿਡਾਰੀ ਦੇ ਵਧੇ ਢਿੱਡ ਨੂੰ ਉਸ ਦੀ ਖੇਡ ਇੱਕ ਵਾਰ ਸਖਤ ਮੇਹਣਾ ਜ਼ਰੂਰ ਮਾਰਦੀ ਹੈ।
-ਉਦਯੋਗ ਵਿਗਿਆਨ ਨੇ ਅੱਜ ਨਹੀਂ ਤਾਂ ਕੱਲ੍ਹ ਜਨਤਾ ਨੂੰ ਅਤੇ ਜਨਤਾ ਦੀ ਸੋਚ ਨੂੰ ਅਧਰੰਗ ਕਰ ਹੀ ਦੇਣਾ ਹੈ।
-ਅੱਜ ਕੱਲ੍ਹ ਦੇ ਬੇਝਿਜਕ ਲੋਕ ਕੁਦਰਤ ਦੇ ਹੱਕਦਾਰ ਬਣ ਕੇ ਪੰਛੀ ਪੰਖੇਰੂਆਂ ਤੋਂ ਦਰਖਤਾਂ ਉੱਪਰ ਰਹਿਣ ਦਾ ਕਿਰਾਇਆ ਮੰਗ ਰਹੇ ਹਨ।
-ਜਿੱਥੇ ਪਿਆਰ ਹੈ ਉੱਥੇ ਪਰਵਾਹ ਹੈ ਅਤੇ ਜਿੱਥੇ ਪਰਵਾਹ ਹੈ, ਉੱਥੇ ਵਿਚਾਰਾਂ ਦੀ ਲੜਾਈ ਹੋਣੀ ਤਾਂ ਲਾਜ਼ਮੀ ਹੈ।
-ਜਿਹੜੇ ਅੱਜ ਚੋਰ ਹਨ, ਕੱਲ੍ਹ ਨੂੰ ਉਹ ਡਾਕੂ ਬਣ ਜਾਣਗੇ।
-ਕਈ ਵਾਰ ਬਦਲਣਾ ਸਾਨੂੰ ਜ਼ਰੀਆ ਚਾਹੀਦਾ ਹੁੰਦਾ ਹੈ ਪਰ ਬਦਲ ਅਸੀਂ ਨਜ਼ਰੀਆ ਦਿੰਦੇ ਹਾਂ।
-ਬਜ਼ੁਰਗਾਂ ਦੇ ਪੈਰਾਂ ਦੀ ਜੁੱਤੀ ਦੱਸਦੀ ਹੈ ਕਿ ਪੀੜ੍ਹੀਆਂ ਦੀਆਂ ਪੀੜ੍ਹੀਆਂ ਕਿੰਨੀਆਂ ਕੁ ਕਾਮਯਾਬ ਅਤੇ ਸਿਹਤਯਾਬ ਹਨ ਅਤੇ ਹੋਣਗੀਆਂ।
-ਬਜ਼ੁਰਗਾਂ ਦੇ ਹੱਥਾਂ ਦੀਆਂ ਲਕੀਰਾਂ ਸਾਡੀ ਆਉਣ ਵਾਲੀ ਨਸਲ ਦੀਆਂ ਤਕਦੀਰਾਂ ਹੁੰਦੀਆਂ ਹਨ।
