-ਜਵਾਨੀ ਦੇ ਜੀ ਟੀ ਰੋਡ ਉੱਤੇ ਕੇਲੇ ਦੇ ਛਿਲਕੇ ਆਮ ਹੀ ਡਿੱਗੇ ਮਿਲਣਗੇ, ਪੱਬ ਬੋਚ ਕੇ ਰੱਖਿਓ ਸੱਜਣੋ, ਕਿਤੇ ਤਿਲਕ ਨਾ ਜਾਇਓ।
-ਹਾਥੀ ਚਾਲ ਵਾਲੇ ਥੋੜ੍ਹੇ ਹਨ ਅਤੇ ਭੇਡ ਚਾਲ ਵਾਲਿਆਂ ਦੀ ਕਮੀ ਨਹੀਂ।
-ਗਿਆਨ ਦੇ ਸਾਗਰ ਵਿੱਚ ਕੋਈ-ਕੋਈ ਹੀ ਤੈਰ ਪਾਉਂਦਾ ਹੈ ਕਿਉਂਕਿ ਕਈ ਤਾਂ ਇਸ ਸਾਗਰ ਵਿੱਚੋਂ ਗਾਗਰ ਭਰਦੇ ਹੀ ਰਹਿ ਜਾਂਦੇ ਹਨ ਅਤੇ ਕਈ ਗੋਤੇ ਲਗਾਉਂਦੇ ਅਤੇ ਉਹ ਬਹੁਤ ਥੋੜੇ ਤਾਰੂ ਹਨ ਜੋ ਇਸ ਗਿਆਨ ਸਾਗਰ ਵਿੱਚ ਕਿਸੇ ਕਿਨਾਰੇ ਆ ਪੁੱਜਦੇ ਹਨ।
-ਕੁਝ ਗੱਲਾਂ ਕੇਵਲ ਲਿਖੀਆਂ ਜਾ ਸਕਦੀਆਂ ਹਨ, ਕਹੀਆਂ ਨਹੀਂ।
-ਸਬਰ ਤੇ ਸਵਰ ਨੂੰ ਹਮੇਸ਼ਾ ਸੂਖਮ ਰੱਖੋ।
-ਪਹਿਲਾਂ ਵਿਆਹ ਤੋਂ ਬਾਅਦ ਤਲਾਕ ਹੁੰਦੇ ਸੀ, ਅੱਜ ਕੱਲ੍ਹ ਵਿਆਹ ਤੋਂ ਪਹਿਲਾਂ ਹੀ ਹੋਈ ਜਾਂਦੇ ਹਨ।
-ਦਹੇਜ ਨੂੰ ਰਸਮ ਰਿਵਾਜ ਬਣਾਉਣ ਵਿੱਚ ਅਹਿਮ ਯੋਗਦਾਨ ਬਣਾਉਟੀ ਮਾਨ ਸਤਿਕਾਰ ਦਾ ਹੈ।
-ਕੁਝ ਇਨਸਾਨਾਂ ਦੀ ਸੋਚ "ਸੋਚ" ਨਹੀਂ ਸੌਚਾਲਾ ਬਣ ਚੁੱਕੀ ਹੈ।
-ਤਜ਼ਰਬਾ ਅਤੇ ਗਿਆਨ, ਇੰਨਾ ਦੋਹਾਂ ਦੀ ਆਪਸ ਵਿੱਚ ਕੁਝ ਜ਼ਿਆਦਾ ਨਹੀਂ ਬਣਦੀ।
