-ਪੂਰੀ ਦੁਨੀਆ ਵਿੱਚ ਕਿਤੇ ਵੀ ਵੇਖ ਲਿਓ ਕੇਵਲ ਵਿਹਲੇ ਮਨੁੱਖ ਦੇ ਹੀ ਹੱਡ ਪੈਰ ਦੁਖਦੇ ਹਨ ਜਦਕਿ ਕੰਮ ਧੰਦਾ ਕਰਨ ਵਾਲੇ ਮਨੁੱਖ ਦਾ ਕਦੇ ਕੁਝ ਨਹੀਂ ਦੁਖਦਾ।
-ਇਸ਼ਕ ਉਹ ਮੰਜ਼ਿਲ ਹੈ, ਜੋ ਦੋ ਚਾਹੁਣ ਵਾਲਿਆਂ ਨੂੰ ਆਪਸ ਵਿੱਚ ਉਮਰ ਭਰ ਮੁਸਾਫ਼ਰ ਬਣਾ ਕੇ ਰੱਖਦੀ ਹੈ।
-ਇੱਕ ਆਸ਼ਕ ਲਈ ਜੇਕਰ ਮੁਟਿਆਰ ਦੇ ਪੈਰਾਂ ਵਿੱਚ ਝਾਂਜਰ ਹੈ ਤਾਂ ਉਸ ਦੇ ਪੈੜਾਂ ਵਿੱਚ ਸੰਗੀਤ ਹੈ।
-ਜ਼ਿਆਦਾਤਰ ਕੰਜਰੀ ਨੂੰ ਬੁਢੇਪਾ ਨਸੀਬ ਹੀ ਨਹੀਂ ਹੁੰਦਾ।
-ਭੁਲੇਖੇ ਨੂੰ ਵਹਿਮ ਵਿੱਚ ਤਬਦੀਲ ਹੁੰਦਿਆਂ ਕੋਈ ਜ਼ਿਆਦਾ ਦੇਰੀ ਨਹੀਂ ਲੱਗਦੀ।
-ਮੈਂ ਮੰਨਦਾ ਲੋੜ ਕਾਢ ਦੀ ਮਾਂ ਹੁੰਦੀ ਹੈ ਪਰ ਬੇਲੋੜ ਕਾਢ ਦੀ ਮਤਰੇਈ ਮਾਂ ਹੁੰਦੀ ਹੈ।
-ਕੁਦਰਤ ਦਾ ਨਿਯਮ ਹੈ ਕਿ ਜੋ ਦਿਸਦਾ ਹੈ, ਉਹ ਤੁਸੀਂ ਖੁਦ ਮੰਨੋਗੇ ਪਰ ਜੋ ਨਹੀਂ ਦਿਸਦਾ ਉਹ ਤੁਹਾਨੂੰ ਹਰ ਹਾਲ ਵਿੱਚ ਨਾ ਚਾਹੁੰਦੇ ਹੋਏ ਵੀ ਮੰਨਣਾ ਹੀ ਪਵੇਗਾ।
-ਹਉਮੈ ਵਿੱਚ ਲਏ ਫ਼ੈਸਲੇ ਇਨਸਾਨ ਦੀ ਹੋਂਦ ਹਿਲਾ ਕੇ ਰੱਖ ਦਿੰਦੇ ਹਨ।
-ਮੰਗਵੀਂ ਚੀਜ਼ ਦੀ ਕਦੇ ਕੀਮਤ ਨਹੀਂ ਪੁੱਛੀਦੀ ਹੁੰਦੀ।
