-ਇੱਜ਼ਤ, ਅਕਲ ਅਤੇ ਕਲਾ ਇਹ ਤਿੰਨ ਤੱਤ ਕਦੇ ਚੋਰੀ ਤਾਂ ਨਹੀਂ ਹੋ ਸਕਦੇ, ਪਰ ਭੰਡੇ ਜ਼ਰੂਰ ਜਾ ਸਕਦੇ ਹਨ।
-ਹੁਣ ਸ਼ਬਦਾਂ ਦੀ ਢਾਲ ਉੱਪਰ ਖੂਨੀ ਸਿਆਹੀ ਲੱਗ ਚੁੱਕੀ ਹੈ, ਇਤਿਹਾਸ ਦਾ ਤਾਂ ਪਤਾ ਨਹੀਂ ਹੁਣ ਮਿਥਿਹਾਸ ਜ਼ਰੂਰ ਬਦਲੇਗਾ।
-ਲੋਕਾਂ ਕੋਲ ਜ਼ਿਆਦਾ ਸੁਣਵਾਈਆਂ ਕਰਨ ਵਾਲੇ ਇਨਸਾਨ ਪ੍ਰਸ਼ੰਸਾ ਦੇ ਭੁੱਖੇ ਹੁੰਦੇ ਹਨ।
-ਹੀਰ ਵਿਚਾਰੀ ਰਾਂਝਣ ਰਾਂਝਣ ਕਰਦੀ ਪੂਰੀ ਹੋ ਗਈ, ਕਿਸੇ ਨੇ ਇੱਕ ਨਹੀਂ ਸੁਣੀ ਪਰ ਅੱਜ ਹੀਰ ਨੂੰ ਸਾਰੇ ਬੜੇ ਮਾਨ ਨਾਲ ਲਿਖਦੇ, ਪੜ੍ਹਦੇ ਅਤੇ ਸੁਣਦੇ ਹਨ।
-ਉਪਜਾਊ ਦਿਮਾਗ਼ ਇੱਕ ਲਾਟਰੀ ਹੈ।
-ਜ਼ਿੱਦ ਨਾਲ ਕੀਤਾ ਪਿਆਰ ਕਦੇ ਨਾ ਕਦੇ, ਕਿਵੇਂ ਨਾ ਕਿਵੇਂ ਨਫ਼ਰਤ ਵਿੱਚ ਤਬਦੀਲ ਜ਼ਰੂਰ ਹੋ ਜਾਂਦਾ ਹੈ।
-ਪਹਿਲਾਂ ਇਰਾਦਾ ਕਰੋ ਫੇਰ ਵਾਅਦਾ ਕਰੋ, ਵਾਅਦਾ ਕਰਕੇ, ਇਰਾਦਾ ਕਰਨ ਦਾ ਕੋਈ ਫ਼ਾਇਦਾ ਨਹੀਂ।
-ਅਮੀਰੀ ਦੀ ਕੋਈ ਵਰਦੀ ਨਹੀਂ ਹੁੰਦੀ।
-ਧਰਮ ਅਤੇ ਵਿਗਿਆਨ ਦੀ ਆਪਸ ਵਿੱਚ ਅਣਬਣ ਰਹਿੰਦੀ ਹੈ, ਅਤੇ ਸਦਾ ਰਹਿਣੀ ਹੈ।
-ਜੇ ਕੁਝ ਹਾਸਲ ਕਰਨਾ ਹੈ ਫੇਰ ਆਪਣੇ ਆਰਾਮ ਨਾਲ ਸਮਝੌਤਾ ਤਾਂ ਕਰਨਾ ਹੀ ਪੈਣਾ ਹੈ।
