-ਵਿਦਿਆਰਥੀਆਂ ਵੱਲੋਂ ਅਧਿਆਪਕ ਨੂੰ ਬੋਲਿਆ ਜਾਣ ਵਾਲਾ ਆਮ ਝੂਠ, "ਕੰਮ ਤਾਂ ਕੀਤਾ ਸੀ ਜੀ, ਪਰ ਕਾਪੀ ਘਰ ਰਹਿ ਗਈ”।
-ਜੇਕਰ ਤੁਸੀਂ ਪੂਰੇ ਮਨ ਨਾਲ ਕਿਸੇ ਨੂੰ ਕੋਈ ਚੀਜ਼ ਮੁਫ਼ਤ ਵਿੱਚ ਦੇਵੋਗੇ ਤਾਂ ਲੈਣ ਵਾਲੇ ਨੂੰ ਲੱਗੇਗਾ ਕਿ ਇਹ ਦੇਣ ਵਾਲੇ ਦੇ ਕਿਸੇ ਕੰਮ ਦੀ ਨਹੀਂ ਸੀ, ਇਸ ਲਈ ਉਸ ਨੇ ਇਹ ਚੀਜ਼ ਮੈਨੂੰ ਮੁਫ਼ਤ ਵਿੱਚ ਹੀ ਦੇ ਦਿੱਤੀ ਹੈ, ਜਿਸਦੀ ਉਹ ਕੋਈ ਕਦਰ ਨਹੀਂ ਸਮਝੇਗਾ।
-ਸੱਜਣੋ ਹਾਰਨ ਤੋਂ ਪਹਿਲਾਂ ਨਾ ਹਾਰੋ।
-ਭਾਰਤ ਵਿੱਚ ਜਦ ਤਕ ਕੁਝ ਬੁਰਾ ਨਹੀਂ ਹੁੰਦਾ, ਉਦੋਂ ਤਕ ਕੁਝ ਚੰਗਾ ਵੀ ਨਹੀਂ ਹੁੰਦਾ।
-ਸੰਗੀਤਕ ਧੁਨ ਕਿਸੇ ਨੂੰ ਸ਼ੋਰ ਜਾਪਦੀ ਹੈ ਅਤੇ ਕਿਸੇ ਨੂੰ ਸਕੂਨ।
-ਗਾਹਕ ਰੱਬ ਦਾ ਰੂਪ ਹੁੰਦਾ ਹੈ, ਇਸ ਲਈ ਦੁਕਾਨਦਾਰ ਤੋਂ ਉਧਾਰ ਮੰਗ ਕੇ ਉਸ ਨੂੰ ਨਾਸਤਿਕ ਬਣਨ ਲਈ ਮਜਬੂਰ ਨਾ ਕਰੋ ਜੀ।
-ਹਉਮੈ ਦੀ ਭੁੱਖ ਨੂੰ ਸੰਤੁਸ਼ਟ ਕਰਨ ਦੀ ਖੁਰਾਕ ਬਹੁਤ ਮਹਿੰਗੀ ਹੁੰਦੀ ਹੈ।
-ਸਰਕਾਰਾਂ ਜੇਕਰ ਕੇਵਲ ਉੱਤਮ ਵਿੱਦਿਆ ਦਾ ਮੁੱਦਾ ਸੁਲਝਾ ਦੇਣ ਤਾਂ ਦੇਸ਼ ਦੇ ਬਾਕੀ ਮੁੱਦੇ ਆਪੇ ਸੁਲਝ ਜਾਣਗੇ।
