-ਅੱਜ ਦੇ ਸਮੇਂ ਵਿੱਚ ਲੋਕ ਆਪਣੇ ਸਾਹ ਵੀ ਕਿਸ਼ਤਾਂ ਤੇ ਕਰੀ ਫਿਰਦੇ ਹਨ।
-ਇਸ ਦੁਨੀਆ ਤੇ ਹਰ ਇਨਸਾਨ ਤੋਂ ਕੁਝ ਨਾ ਕੁਝ ਸਿੱਖਣ ਨੂੰ ਮਿਲਦਾ ਹੈ, ਚਾਹੇ ਉਹ ਇਨਸਾਨ ਚੰਗਾ ਹੈ ਜਾਂ ਮਾੜਾ, ਪਰ ਉਸ ਤੋਂ ਸਿੱਖਣਾ ਕੀ ਹੈ ਇਹ ਸਿੱਖਣ ਵਾਲੇ ਤੇ ਨਿਰਭਰ ਕਰਦਾ ਹੈ।
-ਕਿਸੇ ਨੂੰ ਚਾਹੁਣ ਦਾ ਇੱਕ ਕਾਰਨ ਹੁੰਦਾ ਹੈ ਅਤੇ ਨਾ ਚਾਹੁਣ ਦੇ ਸੌ।
-"ਲੋਭ" ਸੁਨਹਿਰੀ ਪਿੰਜਰੇ ਦੀ ਕੈਦ ਹੈ।
-ਉਹ ਵੀ ਦਿਨ ਦੂਰ ਨਹੀਂ ਜਦੋਂ ਇੱਕੋ ਘਰ ਵਿੱਚ ਰਹਿੰਦੇ ਪਰਿਵਾਰਾਂ ਦੇ ਜੀਅ ਇੱਕ ਦੂਸਰੇ ਨੂੰ ਬੜੀ ਹੈਰਾਨੀ ਨਾਲ ਕਿਹਾ ਕਰਨਗੇ, "ਤੁਹਾਨੂੰ ਪਹਿਲਾਂ ਕਿਤੇ ਵੇਖਿਆ ਲੱਗਦਾ ਹੈ ਜੀ"।
-ਮੇਰਾ ਮੰਨਣਾ ਹੈ ਕਿ ਪੂਰੇ ਵਿਸ਼ਵ ਵਿੱਚ ਹਰ ਇਨਸਾਨ ਦਾ ਆਪਣਾ ਧਰਮ ਸੁਭਾਵਿਕ ਹੈ ਅਤੇ ਬੇਗਾਨਾ ਧਰਮ ਸਮਾਜਿਕ ਹੈ।
-ਵਿਰਸੇ ਵਿੱਚ ਕੇਵਲ ਵਸੀਅਤ ਮਿਲਦੀ ਹੈ, ਸ਼ਖਸੀਅਤ ਨਹੀਂ।
-ਕੁਦਰਤ ਅਧਰਮ ਹੈ।
-"ਕੋਸ਼ਿਸ਼" ਕਿਸੇ ਵੀ ਮਾਮਲੇ ਵਿੱਚ ਜਿੱਤ ਹਾਸਲ ਕਰਨ ਦੀ ਸਭ ਤੋਂ ਵੱਡੀ ਗਿੱਦੜਸਿੰਘੀ ਹੈ।
