-ਇੱਕ ਮਹਿਬੂਬਾ ਨੇ ਆਪਣੇ ਮਹਿਬੂਬ ਨੂੰ ਕਿਹਾ ਕਿ "ਦੁਨੀਆ ਮਾੜੀ ਹੈ" ਅਤੇ ਅੱਗੋਂ ਮਹਿਬੂਬ ਕਹਿੰਦਾ "ਮੇਰੀ ਤਾਂ ਦੁਨੀਆ ਹੀ ਤੂੰ ਹੈ"।
-ਸਿਆਣਾ ਇਨਸਾਨ ਬਣਨ ਦਾ ਫ਼ਾਇਦਾ ਹੀ ਫ਼ਾਇਦਾ ਹੁੰਦਾ ਹੈ, ਨੁਕਸਾਨ ਬੱਸ ਇੱਕੋ ਹੀ ਹੁੰਦਾ ਹੈ ਕਿ ਸਿੱਖਣ ਦੀ ਇੱਛਾ ਮੁੱਕ ਜਾਂਦੀ ਹੈ।
-ਦਿਲ ਅਤੇ ਦਿਮਾਗ਼ ਦੀ ਲੜਾਈ ਵਿੱਚ ਅਕਸਰ ਇਨਸਾਨ ਮਾਰਿਆ ਜਾਂਦਾ ਹੈ।
-ਸਾਡੀ ਜ਼ਿੰਦਗੀ ਵਿੱਚ ਕੁਝ ਲੋਕਾਂ ਦੀ ਓਨੀ ਕੁ ਹੈਸੀਅਤ ਹੁੰਦੀ ਹੈ, ਜਿੰਨੀ ਕੁ ਤਾਸ਼ ਦੀ ਖੇਡ ਵਿੱਚ ਜੋਕਰ ਦੀ ਹੁੰਦੀ ਹੈ।
-ਕੁਝ ਲੋਕ ਦਿਲ ਤੋਂ ਗੱਲਾਂ ਕਰਦੇ ਹਨ ਅਤੇ ਕੁਝ ਲੋਕ ਦਿਲ ਦੀਆਂ ਗੱਲਾਂ ਕਰਦੇ ਹਨ।
-ਨੰਗੀ ਤਲਵਾਰ ਇੰਨੀ ਖ਼ਤਰਨਾਕ ਨਹੀਂ ਜਨਾਬ, ਜਿੰਨੀ ਨੰਗੀ ਨਜ਼ਰ ਖ਼ਤਰਨਾਕ ਹੈ।
-ਸੱਚੇ ਬੰਦੇ ਦਾ ਰੱਬ ਗਵਾਹ ਹੁੰਦਾ ਹੈ।
-ਤਸਵੀਰਾਂ ਜਿਉਂਦਿਆਂ ਜਾਗਦੀਆਂ ਯਾਦਾਂ ਹੁੰਦੀਆਂ ਹਨ।
-ਸੰਤੁਸ਼ਟੀ ਦਾ ਕੋਈ ਅੰਤ ਨਹੀਂ ਹੁੰਦਾ।
-ਨੇੜੇ ਅਤੇ ਦੂਰ ਦੀ ਨਜ਼ਰ ਦਾ ਨਿਰੀਖਣ ਹੋ ਸਕਦਾ ਹੈ ਪਰ ਨਜ਼ਰ ਚੰਗੀ ਹੈ ਜਾਂ ਮਾੜੀ ਇਸ ਦਾ ਨਿਰੀਖਣ ਕਿਤੇ ਵੀ ਕਿਵੇਂ ਵੀ ਸੰਭਵ ਨਹੀਂ ਹੈ।
