-ਇੱਕ ਟੁੱਟੇ ਆਸ਼ਕ ਨੇ ਭਰੀ ਮਹਿਫ਼ਲ ਵਿੱਚ ਕਿਹਾ ਕਿ "ਪਹਿਲਾਂ ਉਹ ਮੇਰੇ ਦਿਲ ਵਿੱਚ ਉੱਤਰੀ, ਫੇਰ ਮੇਰੇ ਦਿਲ ਤੋਂ ਉੱਤਰੀ"।
-ਯਾਦਾਂ ਦੀ ਉਮਰ ਬਹੁਤ ਲੰਬੀ ਹੁੰਦੀ ਹੈ।
-ਮੌਕਿਆਂ ਦੀ ਉਡੀਕ ਨਾ ਕਰੋ, ਮੌਕੇ ਉਪਜਾਉਣਾ ਸਿੱਖੋ।
-ਆਪਣੇ ਆਪ ਵਿੱਚ ਕੋਈ ਗੁਣ ਨਾ ਹੋਣਾ ਵੀ ਇੱਕ ਗੁਣ ਹੁੰਦਾ ਹੈ।
-ਕੁਝ ਲੋਕ ਮਰਨ ਤੋਂ ਬਾਅਦ, ਜਿਉਂਦੇ ਹੁੰਦੇ ਹਨ।
-ਕਦੇ ਕਦਾਈਂ ਲੱਗਦਾ ਹੈ ਕਿ ਇਹ ਵੀ ਠੀਕ ਹੈ ਕਿ "ਕੁਝ ਠੀਕ ਨਹੀਂ"।
-ਜਿਸ ਨੂੰ ਸਭ ਕੁਝ ਪਤਾ ਹੁੰਦਾ ਹੈ, ਉਸ ਨੂੰ ਕੁਝ ਵੀ ਪਤਾ ਨਹੀਂ ਹੁੰਦਾ।
-ਜੋ ਛੋਹ ਨਜ਼ਰਾਂ ਵਿੱਚ ਹੁੰਦੀ ਹੈ, ਉਹ ਹੱਥਾਂ ਵਿੱਚ ਕਿੱਥੇ?
-ਖੰਡ ਅਤੇ ਨਮਕ ਦੋਨੋਂ ਚਿੱਟੇ ਰੰਗ ਦੇ ਹੁੰਦੇ ਹਨ, ਫ਼ਰਕ ਕੇਵਲ ਉਨ੍ਹਾਂ ਦੇ ਸਵਾਦ ਦਾ ਹੈ, ਪਰ ਰੰਗ ਵਜੋਂ ਦੋਹਾਂ ਦੀ ਪਰਖ ਕਰਨੀ ਔਖੀ ਹੈ, ਜਿਸ ਤਰਾਂ ਅੱਜ ਕੱਲ੍ਹ ਇਨਸਾਨਾਂ ਦੀ।
-ਤੈਨੂੰ ਪਤਾ, ਮੈਨੂੰ ਪਤਾ ਹੈ ਕਿ ਤੈਨੂੰ ਪਤਾ ਹੈ।
-ਹਮੇਸ਼ਾ ਦੋ ਝੂਠਾਂ ਨੂੰ ਜੋੜ ਕੇ, ਇੱਕ ਸੱਚ ਬਣਦਾ ਹੈ।
