ਦ੍ਰਿਸ਼ 7

(ਧਰਮ ਸਭਾ ਲਈ ਮੈਦਾਨ । ਵਿਚਕਾਰ ਸਭਾ-ਮੰਚ ਹੈ। ਹਰ ਵਰਗ ਦੇ ਲੋਕ। ਸੈਨਿਕਾ ਦਵਾਰਾ ਬੰਦੀ ਬਣਾਇਆ ਗਿਆ ਸਤਿਆਵ੍ਰਤ, ਚਿਤ੍ਰਲੇਖਾ, ਸਤਿਆਵਤੀ ਅਤੇ ਉਹਦਾ ਬੱਚਾ ਅਤੇ ਧਰਮ ਗੁਰੂ ਵਸਿਸ਼ਠ ਦੇ ਚੇਲੇ ਅਤੇ ਬ੍ਰਾਹਮਣ ਉੱਥੇ ਮੌਜਦੂ ਹਨ। ਭੁੱਖ ਅਤੇ ਗਰੀਬੀ ਨਾਲ ਮਧੌਲੇ ਸਧਾਰਣ ਲੋਕਾਂ ਦੇ ਚਿਹਰੇ ਅਤੇ ਉਨ੍ਹਾਂ ਦੇ ਪਾਟੇ ਪੁਰਾਣੇ ਕਪੜੇ ਰਾਜ ਵਿਚ ਪਏ ਕਾਲ ਤੇ ਫੈਲੀ ਹੋਈ ਮੰਦਹਾਲੀ ਦੀ ਕਹਾਣੀ ਪਾਉਂਦੇ ਹਨ। ਸਧਾਰਣ ਲੋਕਾਂ ਦੀ ਟੋਲੀ ਪ੍ਰਰਾਥਨਾ ਕਰ ਰਹੀ ਹੈ। ਇਹ ਉਨ੍ਹਾਂ ਲੋਕਾ ਦੀ ਪ੍ਰਾਰਥਨਾ ਹੈ ਜਿਨ੍ਹਾਂ ਦੀ ਇੱਛਾ-ਸ਼ਕਤੀ ਅਤੇ ਸੰਦੇਹ ਕਰਨ ਦੀ ਤਾਕਤ ਨੂੰ ਭੁੱਖ ਅਤੇ ਨਿਰਾਸ਼ਾ ਨੇ ਕੁਚਲ ਦਿੱਤਾ ਹੋਵੇ।)

ਟੋਲੀ                        ਹੇ ਧਰਮ ਗੁਰੂ

ਹੇ ਧਰਮ ਗੁਰੂ !!

ਹੇ ਧਰਮ ਗੁਰੂ !!॥

ਧਰਮ ਗੁਰੂ ਅਸੀਂ

ਤੇਰੀ ਸਰਨ ਹਾਂ ਆਏ

ਤੇਰੇ ਹਾਂ ਬੰਦੇ

ਭੁੱਖੇ ਤੇ ਤਿਹਾਏ

ਪਾਪ ਤੇ ਪੁੰਨ ਦੀ

ਸਮਝ ਨਾ ਆਏ

ਤੇਰੇ ਬਿਨਾ

ਕੋਣ ਰਾਹ ਦਿਖਾਏ।

ਕੌਣ ਰਾਹ ਦਿਖਾਏ ॥

ਕੌਣ......!!!