ਇੰਨਾ ਸੱਚਾ ਹੋ ਜਾਨਾਂ ਵਾਂ

ਕਦੀ-ਕਦੀ ਤੇ ਇੰਨਾਂ ਸੱਚਾ ਹੋ ਜਾਨਾਂ ਵਾਂ

ਤਾਂ ਆਪਣੇ ਆਪ ਤੋਂ ਡਰ ਲੱਗਦਾ ਏ

ਜਿਉਂਦਾ ਪੱਥਰ ਬਣ ਜਾਨਾਂ ਵਾਂ

ਆਪਣੇ ਆਪ ਨੂੰ ਸਜਦਾ ਕਰਨਾਂ

ਮਿੰਨਤਾਂ ਕਰਨਾਂ, ਪੈਰੀਂ ਪੈਨਾਂ

ਜਿਵੇਂ ਕੋਈ ਪੱਕਾ ਮੋਮਨ ਹਸ਼ਰ ਦਿਹਾੜੇ

ਰੱਬ ਦੇ ਕੋਲੋਂ ਆਪਣੀ ਬਖ਼ਸ਼ਿਸ਼ ਮੰਗਦਾ ਹੋਵੇ

ਕਦੀ-ਕਦੀ ਤੇ ਇੰਨਾਂ ਸੱਚਾ ਹੋ ਜਾਨਾਂ ਵਾਂ

ਆਪਣੇ ਆਪ ਤੋਂ ਡਰ ਲੱਗਦਾ ਏ

ਨਿਜ਼ਾਮ

ਬਾਲਣ 600 ਰੁਪਈਏ ਮਣ

ਗੰਨਾ 180 ਰੁਪਈਏ ਮਣ

ਰਾਹ

ਵੇਖੀ ਦਾ ਏ

ਪੁੱਛੀ ਦਾ ਏ

ਦੱਸੀ ਦਾ ਏ

ਮੋੜੀ ਦਾ ਏ

ਬਦਲੀ ਦਾ ਏ

ਡੱਕੀ ਦਾ ਨਈਂ ।

ਭੁੱਖ -2

ਏਨੀ ਭੁੱਖ ਲੱਗੀ ਏ ਕਿ

ਲਾਗੇ ਬੈਠੀ ਕੁੜੀ ਵੀ

ਸੋਹਣੀ ਨਹੀਂ ਲੱਗਦੀ