-ਪੰਜਾਬ ਬਿਖੜਿਆਂ ਪੈਂਡਿਆਂ ਤੇ ਚਲਣਾ ਸਿਖਿਆ ਹੋਇਆ ਹੈ। ਨਿਹਾਲ ਸਿੰਘ ਅਟਾਰੀ ਵਾਲੇ ਨੇ ਗੱਲ ਆਖ ਹੀ ਦਿੱਤੀ ਜਿਹੜੀ ਉਹਦੇ ਮੂੰਹ ਆਈ।

ਤੇ ਫੇਰ ਕਿਲਾ ਫਤਹਿ ਹੋ ਈ ਜਾਊ ਪਰ ਇਹਦੇ ਲਈ ਕੁਰਬਾਨੀ ਦੇਣੀ ਪਊ। ਲਹੂ ਖੂਨ, ਰੱਤ ਦਾ ਭਰਿਆ ਕੁੰਗੂ, ਲਹੂ ਦੇ ਛੰਨੇ, ਅਰਥੀਆਂ, ਲੋਥਾਂ, ਧਰਤੀ ਲਹੂ ਦੀ ਪਿਆਸੀ. ਪਿਆਸ ਬੁਝਾਣੀ ਪਊ, ਜਿਹੜਾ ਪਿਆਸ ਬੁਝਾਏਗਾ ਕਿਲਾ ਉਹਨੂੰ ਮਿਲੇਗਾ।

ਅਸੀਂ ਲਹੂ ਡੋਲ੍ਹਾਂਗੇ। ਲੋਥਾਂ ਵਿਛਾ ਦਿਆਂਗੇ, ਕਿਲੇ ਦੀਆਂ ਦੀਵਾਰਾਂ ਦੇ ਨਾਲ ਨਾਲ। ਸਾਨੂੰ ਕਿਲ੍ਹਾ ਬਖਸ਼ੋ। ਆਵਾਜ਼ ਹਰੀ ਸਿੰਘ ਨਲੂਏ ਦੀ ਸੀ।

-ਹਾਂ ਸਰਕਾਰ, ਨਲੂਆ ਸੱਚ ਆਖਦਾ ਏ। ਸਾਨੂੰ ਕਿਲਾ ਚਾਹੀਦਾ ਏ, ਸਾਨੂੰ ਫ਼ਤਿਹ ਚਾਹੀਦੀ ਏ। ਸਾਨੂੰ ਮੌਤ ਤੋਂ ਕੋਈ ਡਰ ਨਹੀਂ।

ਆਵਾਜ਼ਾਂ ਨੇ ਘੇਰੇ ਵਿਚ ਲੈ ਲਈ ਸਰਕਾਰ।