ਹੈਲੋ.. ਕੀ ਹਾਲ ਐ?

ਠੀਕ

ਤੁਸੀਂ ਯਾਦ ਨਹੀਂ ਕਰਦੇ ਮੈਨੂੰ ?

ਕਰਦਾ ਹਾਂ

ਮੈਂ ਤੰਗ ਕਰਦੀ ਹਾਂ ਤੁਹਾਨੂੰ.. ਹਨਾਂ..?

ਨਹੀਂ..... ਕੋਈ ਗੱਲ ਨਈ

ਤੁਹਾਨੂੰ ਪਤੈ.... ਮੈਂ ਲੱਲ੍ਹੀ ਹਾਂ

ਲੱਲ੍ਹੀ...? ਉਹ ਕੀ ਹੁੰਦਾ..?

ਸਿਧਰੀ...... ਜਾਂ ਕਮਲੀ ਕਹਿ ਲਵੋ

ਫੇਰ ਕੀ ਆ ?

ਹੈ ਤਾਂ ਕੁਝ ਵੀ ਨਹੀਂ ਪਰ ਮੈਨੂੰ ਲੱਗਦਾ, ਤਾਂ ਦੱਸਿਆ।

ਪਰ ਥੋੜ੍ਹੇ ਜਿਹੇ ਕਮਲੇ ਤਾਂ ਹੋਣਾ ਚਾਹੀਦਾ

ਕਿਉਂ ?

ਤੈਨੂੰ ਪਤਾ ਨਈਂ

ਉਹ ਔਰਤਾਂ ਜਾਂ ਕੁੜੀਆਂ ਜਿਹੜੀਆਂ ਖੂਬਸੂਰਤ ਹੋਣ ਤੇ ਬੇਵਕੂਫ਼ ਹੋਣ। ਮੈਨੂੰ ਬਹੁਤ ਚੰਗੀਆਂ ਲੱਗਦੀਆਂ।

ਕਿਉਂ ?

ਇਹਨਾਂ ਦੀ ਅਪਣੱਤ ਵਿੱਚ ਇੱਕ ਅਜੀਬ ਕਿਸਮ ਦਾ ਪਾਗਲਪਣ ਹੁੰਦਾ। ਉਹ ਮੇਰੀ ਆਤਮਾ ਨੂੰ ਟੁੰਬਦਾ ਹੈ। ਨਾਲੇ ਔਰਤਾਂ ਨੂੰ ਬਹੁਤ ਜ਼ਿਆਦਾ ਸਿਆਣੀਆਂ ਨਹੀਂ ਹੋਣਾ ਚਾਹੀਦਾ।