ਹਾਂਜੀ, ਸਭ ਠੀਕ, ਉਹਨਾਂ ਦਾ ਪਲਾਈ ਐਂਡ ਸਨ ਮਾਈਕਾਂ ਦਾ ਬਿਜ਼ਨਸ ਹੈ। ਉਹ ਆਪਣੇ ਪਾਪਾ ਨਾਲ ਹੀ ਬਿਜ਼ਨਸ ਵੇਖਦਾ।
ਫਿਰ ਤੁਸੀਂ ਇੱਕੋ ਕੰਮ ਕਰ ਸਕਦੇ। ਤੁਸੀਂ ਪਰਿਵਾਰ ਦੇ ਬਾਕੀ ਸਾਰੇ ਮੈਂਬਰਾਂ ਨੂੰ ਆਪਣੇ ਪੱਖ 'ਚ ਕਰੋ। ਜਦੋਂ ਤੁਹਾਡੇ ਪਾਪਾ ਇਕੱਲੇ ਵਿਰੋਧ ਕਰਨ ਵਾਲੇ ਰਹਿ ਜਾਣਗੇ ਤਾਂ ਜ਼ਰੂਰ ਉਹਨਾਂ ਦੀ ਰਾਇ ਕਮਜ਼ੋਰ ਹੋ ਜਾਵੇਗੀ ਪਰ ਇਸ ਲਈ ਟਾਈਮ ਲੱਗੇਗਾ।
ਹਾਂ, ਠੀਕ ਹੈ ਮੈਂ ਏਦਾਂ ਕਰਕੇ ਵੇਖਦੀ ਹਾਂ।
ਰਜਨੀ ਕਾਫ਼ੀ ਦੇਰ ਮੇਰੇ ਨਾਲ ਗੱਲ ਕਰਦੀ ਰਹੀ। ਜਾਣ ਵੇਲੇ ਉਸ ਨੂੰ ਵੇਖ ਕੇ ਲੱਗਦਾ ਸੀ ਕਿ ਉਸ ਵਿੱਚ ਥੋੜ੍ਹਾ ਜਿਹਾ ਵਿਸ਼ਵਾਸ ਪੈਦਾ ਹੋ ਗਿਆ ਸੀ ਕਿ ਉਹ ਆਪਣੇ ਪਾਪਾ ਨੂੰ ਵਿਆਹ ਲਈ ਰਾਜ਼ੀ ਕਰ ਲਵੇਗੀ।
**
