ਫਰੀਦਕੋਟ ਤੇ ਮੋਗੇ ਜ਼ਿਲੇ ਦੇ ਸਰਾਓ ਬਠਿੰਡੇ ਵੱਲੋਂ ਆ ਕੇ ਹੀ ਇਧਰ ਵਸੇ ਹਨ । ਬਾਦਸ਼ਾਹ ਅਕਬਰ ਵੇਲੇ ਬਾਰਾ ਸਰਾਓ ਇਸ ਕਬੀਲੇ ਦਾ ਚੌਧਰੀ ਸੀ । ਇਹ ਬਠਿੰਡੇ ਕੋਲ ਪਿੰਡ ਪੱਕੇ ਵਿਚ ਰਹਿੰਦਾ ਸੀ ।

ਸੰਗਰੂਰ, ਪਟਿਆਲੇ ਤੇ ਲੁਧਿਆਣੇ ਜ਼ਿਲੇ ਵਿਚ ਵੀ ਸਰਾਓ ਆਬਾਦ ਹਨ । ਮੁਸਲਮਾਨ ਰਾਜ ਦੇ ਆਉਣ ਤੋਂ ਪਹਿਲਾਂ ਸਰਾਓ ਹੀ ਸਰਹਿੰਦ ਦੇ ਮਾਲਕ ਸਨ । ਅਕਾਲੀ ਫੂਲਾ ਸਿੰਘ ਜੀ ਵੀ ਸਰਾਓ ਜੱਟ ਸਨ ।

ਹੁਸ਼ਿਆਰਪੁਰ ਵਿਚ ਚਿਪੜਾ, ਬੁਢੀਪਿੰਡ ਤੇ ਭੋਲਾਣਾ ਵੀ ਸਰਾਵਾਂ ਦੇ ਪਿੰਡ ਹਨ । ਸਿਆਲਕੋਟ, ਲਹੌਰ ਤੇ ਗੁਜਰਾਂਵਾਲਾ ਵਿਚ ਵੀ ਸਰਾਵਾਂ ਦੇ ਪਿੰਡ ਹਨ । ਦੁੱਲਾ ਸਿੰਘ ਸਰਾਓ ਮਹਾਰਾਜਾ ਰਣਜੀਤ ਸਿੰਘ ਦਾ ਬਚਪਨ ਦਾ ਸਾਥੀ ਸੀ । ਬਠਿੰਡੇ ਕੋਲ ਪਿੰਡ ਜੱਸੀ ਦਾ ਸੁਪਨਾ ਸਿੰਘ ਸਰਾਓ, ਗੁਰੂ ਗੋਬਿੰਦ ਸਿੰਘ ਜੀ ਦਾ ਸ਼ਰਧਾਲੂ ਸੀ ।