ਜੋਗੀ- ਸੱਚ ਹੈ, ਹੁਣ ਸਮਝ ਆਈ,ਪਰ ਮਾਲਕ ਜੀਓ! ਖੇਲ ਕਠਨ ਹੈ।
ਗੁਰੂ ਜੀ- ਗੁਰੂ ਨਾਨਕ ਦਾ ਮਾਰਗ ਇਹੋ ਹੈ, ਗ੍ਰਿਹਸਤ ਵਿਚ ਨਿਰਬਾਨ। ਗ੍ਰਿਹਸਤੀ ਨੂੰ ਜੋਗੀ ਗੁਰ ਨਾਨਕ ਨੇ ਆਪਣੇ ਸਹਿਜ ਜੋਗ ਨਾਲ ਬਨਾਇਆ ਹੈ। ਐਸੇ ਗ੍ਰਿਹਸਤੀ ਨੂੰ ਸਰਬੱਤ ਦੇ ਭਲੇ ਲਈ ਅਸਾਂ ਜੁੱਧ ਦੀ ਜਾਚ ਬੀ ਦੱਸੀ ਹੈ ਕਿ ਜੰਗ ਦਾ ਰੰਗ ਬੀ ਆ ਬਣੇ ਤਾਂ ਜੋਗ ਦਾ ਰੰਗ ਨਾ ਟੁੱਟੇ। ਇਸ ਕਰਕੇ ਇਨ੍ਹਾਂ ਨੂੰ ਬਾਣੀ ਦੇ ਲੜ ਲਾ ਰਖਿਆ ਹੈ। ਜੇ ਬਾਣੀ ਦਾ ਨਿਤਨੇਮ, ਪਾਠ, ਵੀਚਾਰ, ਕੀਰਤਨ ਕਰੇਗਾ, ਉਚੇ ਆਦਰਸ਼ ਉਸਦੇ ਮਨ ਅੱਗੇ ਰਹਿਣਗੇ। ਇਨ੍ਹਾਂ ਨੂੰ ਸੱਚ, ਗੁਰ ਨਾਨਕ ਦਾ ਸੱਚ ਸਿਖਾਇਆ ਹੈ ਇਸ ਕਰਕੇ ਇਹ ਨੀਤੀ ਵਿਚ ਕੁਟਲਤਾ, ਛਲ, ਫ੍ਰੇਬ, ਧੱਕਾ, ਜ਼ੁਲਮ ਨਹੀਂ ਵਰਤਣਗੇ। ਇਨ੍ਹਾਂ ਦੀ ਵਧਵੀਂ ਅਕਲ, ਨਾਮ ਨਾਲ ਨਿਰਮਲ ਹੋਈ ਅਕਲ ਮੁਸਕਲਾਂ ਨੂੰ ਸੱਚ ਵਿਚ ਰਹਿਕੇ, ਝੂਠ ਗ੍ਰੰਬ ਦੀ ਮਦਦ ਤੋਂ ਬਿਨਾਂ ਹੱਲ ਕਰ ਲਿਆ ਕਰੇਗੀ। ਪਰਤੱਖ ਦੇਖ ਲਓ ਕਿ ਹੁਣ ਕਰ ਰਹੀ ਹੈ, ਸੋ ਅਗੋਂ ਕਰੇਗੀ। ਬਾਣੀ, ਨਾਮ, ਸਤਿਸੰਗ ਏਹ ਤ੍ਰੈ ਰਾਖੇ ਸਿਖਾਂ ਦੇ ਹੋਣਗੇ। ਇਹ ਜਗਤ ਨੂੰ ਦੱਸਣਗੇ ਕਿ 'ਸੱਚ ਤੇ ਨੀਤੀ 'ਜੰਗ ਤੇ ਅਹਿੰਸਾ' ਕਿਵੇਂ ਕੱਠੇ ਰਹਿੰਦੇ ਹਨ। ਜੇ ਸਿੱਖਾਂ ਨੇ ਬਾਣੀ ਨਾਮ ਛੱਡ ਦਿੱਤਾ ਤੇ ਝੂਠ, ਫਰੇਬ, ਕਪਟ, ਛਲ, ਦਗੇਬਾਜੀਆਂ ਦੇ ਮੋਢਿਆਂ ਤੇ ਆਪਣੀ ਨੀਤੀ ਧਰ ਦਿੱਤੀ ਯਾ ਜ਼ੋਰ ਜ਼ੁਲਮ ਤੇ ਉਤਰ ਆਏ ਤਾਂ ਓਹ, 'ਜਗਤ ਦੇ ਬੰਦੇ ਹੋ ਜਾਣਗੇ, ਗੁਰੂ ਕੇ ਨਹੀਂ ਰਹਿਣਗੇ।
ਜੋਗੀ- ਸੱਚ ਹੈ, ਆਪ ਨੇ ਹੀ ਜੰਗ ਤੇ ਜੰਗ ਦੀਆਂ ਤਲਵਾਰਾਂ ਨੂੰ ਇਕ ਮਿਆਨੇ ਪਾਇਆ ਹੈ। ਧੰਨ ਹੈ। ਆਪ ਪੂਰਨ ਪੁਰਖ ਹੋ, ਨਿਰਵੈਰ ਹੋ, ਨਿਰਭਉ ਹੋ ਤੇ ਤਾਰਨ ਲਈ ਆਏ ਹੋ, ਹਾਂ ਤਾਰਨ ਲਈ ਘੱਲੇ ਗਏ ਹੋ। ਧੰਨ ਹੈ ਆਪ, ਧੰਨ ਹੈ, ਬਾਰੰਬਰ ਹੈ ਜੁਹਾਰ, ਬਾਰੰਬਾਰ ਹੈ ਨਮਸਕਾਰ ਆਪਨੂੰ। ਇਸ ਪੁਰਾਣੇ ਚੋਲੇ ਵਾਲੇ ਸਾਧੂ ਦੀਆਂ ਅੰਜੁਲੀਆਂ ਆਪਦੇ
