੨੧. ਜੀਆਦਾਨ ਦੀ ਘੜੀ
(ਖ਼ਾਲਸਾ ਸਮਾਚਾਰ ਕੱਤਕ ਦੀ ੨੯ ਸੰਮਤ ੪੫੬ ਨਵੰਬਰ ਦੀ ੧੩ ਸੰਨ ੧੯੨੪ ਈ: ਲੇਖ
"ਸਭ ਕਿਛ ਜੀਵਤ ਕੋ ਬਿਵਹਾਰ" ਵਿੱਚੋਂ)
ਮੈਂ ਤੱਕਾਂ !
ਸਦਾ ਤੱਕਾਂ ।
ਦਾਤਾ ਜੀ ਨੂੰ ਮਿਹਰਾਂ ਕਰਦਾ ਤੱਕਾਂ ।
ਰੂਹ ਦਾ ਠੰਡਾ ਸਾਹ ਭਰ ਫ਼ੁੱਲ ਵਾਂਗ ਚਟਕ ਜਾਣ ਵਾਲੇ ਦੀਦਾਰ ਕਰਾਂ ।
ਹੋਰ ਕੋਈ ਕੰਮ ਨਾ ਕਰਾਂ !
ਮੁੜ-ਮੁੜ ਦਾਤਾ ਜੀ ਦੇ ਦਾਨ ਘੜੀ ਵਿੱਚ ਖਲੋਵਾਂ ।
ਬਾਬਾ ਜੀ ਨੂੰ ਤੱਕਾਂ !
ਸੂਰਜ ਸਲਾਮ ਕਰਦੇ ਨੂੰ ਸਿੱਜਦੇ ਵਿੱਚ ਦੇਖਾਂ,
ਬਸ ਦੇਖਾਂ, ਦੇਖਾਂ ! ਹੋਰ ਕੁਝ ਨਾ ਕਰਾਂ !
……
ਕੋਈ ਨਾ ਹਿਲਾਵੇ ਮੈਨੂੰ !
ਯੋਗ ਨਹੀਂ ਲੋੜ
ਸਮਾਧੀਆਂ ਨਹੀਂ ਲੋੜ
