ਕਲਾਮ ਬੁੱਲ੍ਹੇ ਸ਼ਾਹ
ਸੰਪਾਦਕ : ਡਾ. ਗੁਰਦੇਵ ਸਿੰਘ
ਵਿਸ਼ਾ-ਸੂਚੀ
1. ਕਲਾਮ ਬੁੱਲ੍ਹੇ ਸ਼ਾਹ :
ੳ) ਅਠਵਾਰਾ
ਅ) ਗੰਢਾਂ
ੲ) ਬਾਰ੍ਹਾਂ ਮਾਹ
ਸ) ਦੋਹੜੇ
ਹ) ਸੀਹਰਫ਼ੀਆਂ
ਕ) ਕਾਫ਼ੀਆਂ (ਫ਼ਾਰਸੀ ਅੱਖਰ ਕ੍ਰਮ ਅਨੁਸਾਰ)
ਸਹਾਇਕ ਗ੍ਰੰਥਾਵਲੀ
2. ਤਸੱਵੁਫ਼ ਦਾ ਅਸਲਾ
3. ਬੁੱਲ੍ਹੇ ਸ਼ਾਹ / ਜੀਵਨ ਤੇ ਸਿੱਖਿਆ-ਦੀਖਿਆ
4. ਕਲਾਮ
ੳ) ਅਠਵਾਰਾ
ਅ) ਗੰਢਾਂ
ੲ) ਬਾਰ੍ਹਾਂ ਮਾਹ
ਸ) ਦੋਹੜੇ
ਹ) ਸੀਹਰਫ਼ੀਆਂ
ਕ) ਕਾਫ਼ੀਆਂ
5. ਬੁੱਲ੍ਹੇ ਸ਼ਾਹ ਦੇ ਕਲਾਮ ਦੇ ਗੁਣਾਂ ਬਾਰੇ
ਭਾਵ ਪੱਖ :
ੳ) ਇਸ਼ਕ 180
ਅ) ਮਸਤੀ ਕਿ ਬੇਹੋਸ਼ੀ 182
ੲ) ਤਦਰੂਪਤਾ
ਸ) ਆਪੇ ਦੀ ਭਾਲ (Search for Indentity)
ਹ) ਪਰਾ-ਅਨੁਭਵ/ਆਤਮ-ਅਨੁਭਵ
ਕ) ਸਮਕਾਲੀ ਸੰਕੇਤ
ਖ) ਇਤਿਹਾਸਕ ਤੇ ਮਿਥਿਹਾਸਕ ਸੰਕੇਤ 200
ਰੂਪ ਪੱਖ :
ੳ) ਬੁੱਲ੍ਹੇ ਸ਼ਾਹ ਦੇ ਕਲਾਮ ਦੀ ਬੋਲੀ
ਅ) ਅਲੰਕਾਰ ਤੇ ਪ੍ਰਤੀਕ '
ੲ) ਉਕਤੀਆਂ ਬੁੱਲ੍ਹੇ ਸ਼ਾਹ
ਅਠਵਾਰਾ
ਛਨਿੱਛਰਵਾਰ
ਦੋਹਰਾ : ਛਨਿੱਛਰਵਾਰ ਉਤਾਵਲੇ ਵੇਖ ਸਜਣ ਦੀ ਸੋ।
ਅਸਾਂ ਮੁੜ ਘਰ ਫੇਰ ਨਾ ਆਵਣਾ ਜੋ ਹੋਈ ਹੋਗ' ਸੋ ਹੈ।
-0-
ਵਾਹ ਵਾਹ ਛਨਿੱਛਰਵਾਰ ਵਹੇਲੇ, ਦੁੱਖ ਸਜਣ ਦੇ ਮੈਂ ਵਲ ਪੇਲੇ",
ਢੂੰਡਾਂ ਔਝੜ ਜੰਗਲ ਬੇਲੇ, ਓਹੜਾਂ ਰੈਣ ਕਵੱਲੜੇ ਵੇਲੇ,
ਬਿਰਹੋਂ ਘੇਰੀਆਂ।
ਘੜੀ ਤਾਂਘ ਤੁਸਾਡੀਆਂ ਤਾਂਘਾਂ, ਰਾਤੀਂ ਸੁੱਤੜੇ ਸ਼ੇਰ ਉਲਾਂਘਾਂ,
ਉੱਚੀ ਚੜ੍ਹ ਕੇ ਕੂਕਾਂ ਚਾਂਘਾਂ", ਸੀਨੇ ਅੰਦਰ ਰੜਕਣ ਸਾਂਗਾਂ,
ਪਿਆਰੇ ਤੇਰੀਆਂ।
ਐਤਵਾਰ
ਦੋਹਰਾ : ਐਤਵਾਰ ਸੁਨੇਤਾ ਹੈ ਜੋ ਜੋ ਕਦਮ ਧਰੇ।
ਉਹ ਵੀ ਆਸ਼ਕ ਨਾ ਕਰੋ ਸਿਰ ਦੇਂਦਾ ਉਜ਼ਰ ਕਰੇ।
-0-
ਐਤ ਐਤਵਾਰ ਭਾਇਤ, ਵਿੱਚੋਂ ਜਾਇ ਹਿਜਰ ਦੀ ਸਾਇਤ
ਮੇਰੇ ਦੁੱਖ ਦੀ ਸੁਣੇ ਹਕਾਇਤ ਆ ਅਨਾਇਤ ਕਰੇ ਹਦਾਇਤ,
ਤਾਂ ਮੈਂ ਤਾਰੀਆਂ।
ਤੇਰੀ ਯਾਰੀ ਜਹੀ ਨਾ ਯਾਰੀ, ਤੇਰੇ ਪਕੜ ਵਿਛੋੜੇ ਮਾਰੀ,
ਇਸ਼ਕ ਤੁਸਾਡਾ ਕਿਆਮਤ ਸਾਰੀ, ਤਾਂ ਮੈਂ ਹੋਈ ਆਂ ਵੇਦਨ ਭਾਰੀ,
ਕਰ ਕੁਝ ਕਾਰੀਆਂ12 ।
ਸੋਮਵਾਰ
ਦੋਹਰਾ : ਬੁੱਲ੍ਹਾ ਰੋਜ਼ ਸੋਮਵਾਰ ਦੇ ਕਿਆ ਚਲ ਚਲ ਕਰੇ ਪੁਕਾਰ।
ਅੱਗੇ ਲੱਖ ਕਰੋੜ ਸਹੇਲੀਆਂ ਮੈਂ ਕਿਸ ਦੀ ਪਾਣੀਹਾਰ"।
-0-
1 ਪਤਾ, 2 ਹੋਵੇਗੀ, 3ਬਦਸ਼ਗਨੇ, 4ਘੱਲੇ, 5ਟੱਪਾਂ, 6ਚੀਕਾਂ ਮਾਰਾਂ, 7 ਬਰਛੀਆਂ, 8 ਸ਼ੁਭ ਘੜੀ, 9 ਵਿਛੋੜਾ, 10ਸਮਾਂ, ਪਲ11 ਕਹਾਣੀ, 12 ਇਲਾਜ, 13ਪਾਣੀ ਢੋਣ ਵਾਲੀ।
ਮੈਂ ਦੁਖਿਆਰੀ ਦੁੱਖ ਸਵਾਰ, ਰੋਣਾ ਅੱਖੀਆਂ ਦਾ ਰੁਜ਼ਗਾਰ,
ਮੇਰੀ ਖ਼ਬਰ ਨਾ ਲੈਂਦਾ ਯਾਰ, ਹੁਣ ਮੈਂ ਜਾਤਾ ਮੁਰਦੇ ਮਾਰ,
ਮੋਇਆਂ ਨੂੰ ਮਾਰਦਾ।
ਮੇਰੀ ਓਸੇ ਨਾਲ ਲੜਾਈ, ਜਿਸ ਨੇ ਮੈਨੂੰ ਬਰਛੀ ਲਾਈ,
ਸੀਨੇ ਅੰਦਰ ਭਾਹ ਭੜਕਾਈ, ਕੱਟ ਕੱਟ ਖਾਇ ਬਿਰਹੋਂ ਕਸਾਈ,
ਪਛਾਇਆ' ਯਾਰ ਦਾ।
ਮੰਗਲਵਾਰ
ਦੋਹਰਾ : ਮੰਗਲ ਮੈਂ ਗਲ ਪਾਣੀ ਆ ਗਿਆ ਲਬਾਂ ਤੇ ਆਵਣਹਾਰ।
ਮੈਂ ਘੁੰਮਣ ਘੇਰਾਂ ਘੇਰੀਆਂ ਉਹ ਵੇਖੇ ਖਲਾ ਕਿਨਾਰ।
-0-
ਮੰਗਲ ਬੰਦੀਵਾਨ ਦਿਲਾਂ ਦੇ, ਛੱਟੇ ਸ਼ਹੁ ਦਰਿਆਵਾਂ ਪਾਂਦੇ,
ਕੱਪੜਾ ਕੜਕ ਦੁਪਹਿਰੀਂ ਖਾਂਦੇ, ਵਲ ਵਲ ਗੋਤਿਆਂ ਦੇ ਮੂੰਹ ਆਂਦੇ,
ਮਾਰੇ ਯਾਰ ਦੇ।
ਕੰਢੇ ਵੇਖੇ ਖਲਾ ਤਮਾਸ਼ਾ, ਸਾਡੀ ਮਰਗਾ ਉਹਨਾਂ ਦਾ ਹਾਸਾ,
ਦਿਲ ਮੇਰੇ ਵਿਚ ਆਇਆ ਸੂ ਆਸਾ, ਵੇਖਾਂ ਦੇਸੀ ਕਦੋਂ ਦਿਲਾਸਾ,
ਨਾਲ ਪਿਆਰ ਦੇ।
ਬੁੱਧਵਾਰ
ਦੋਹਰਾ : ਬੁੱਧ ਸ਼ੁੱਧ ਰਹੀ ਮਹਿਬੂਬ ਦੀ ਸ਼ੁੱਧ ਆਪਣੀ ਰਹੀ ਨਾ ਹੋਰ।
ਮੈਂ ਬਲਿਹਾਰੀ ਓਸ ਦੇ ਜੋ ਖਿੱਚਦਾ ਮੇਰੀ ਡੋਰ।
-0-
ਬੁੱਧ ਸ਼ੁੱਧ ਆ ਗਿਆ ਬੁੱਧਵਾਰ, ਮੇਰੀ ਖ਼ਬਰ ਨਾ ਲੈ ਦਿਲਦਾਰ,
ਸੁੱਖ ਦੁੱਖਾਂ ਤੋਂ ਘੱਤਾਂ ਵਾਰ, ਦੁੱਖਾਂ ਆਣ ਮਿਲਾਇਆ ਯਾਰ,
ਪਿਆਰੇ ਤਾਰੀਆਂ।
ਪਿਆਰੇ ਚੱਲਣ ਨ ਦੇਸਾਂ ਚੱਲਿਆ, ਲੈ ਕੇ ਨਾਲ ਜ਼ੁਲਫ਼ ਦੇ ਵੱਲਿਆ,
ਜਾਂ ਉਹ ਚਲਿਆ ਤਾਂ ਮੈਂ ਛਲਿਆ", ਤਾਂ ਮੈਂ ਰਖਸਾਂ ਦਿਲ ਵਿਚ ਰਲਿਆ,
ਲੈਸਾਂ ਵਾਰੀਆਂ।
ਜੁਮੇਰਾਤ
ਦੋਹਰਾ : ਜੁਮੇਰਾਤ ਸੁਹਾਵਣੀ ਦੁੱਖ ਦਰਦ ਨਾ ਆਹਾਂ ਪਾਪ।
ਉਹ ਜਾਮਾ" ਸਾਡਾ ਪਹਿਨ ਕੇ ਆਇਆ ਤਮਾਸ਼ੇ ਆਪ।
1 ਪਤਾ ਲਗਾ, 2 ਅੱਗ, 3 ਜ਼ਖ਼ਮੀ ਕੀਤਾ, 4ਬੁੱਲ੍ਹਾਂ, 5ਕਿਨਾਰੇ, 6ਛੱਲਾਂ, 7 ਮੌਤ, 8ਧੋਖਾ ਖਾਧਾ, 9ਵਸਤਰ।