ਕੁਦਰਤ ਦਾ ਪੁਜਾਰੀ ਨਿਮਾਣਾ ਕਿਸਾਨ ਅਮਰਜੀਤ ਸ਼ਰਮਾ

ਖੇਤੀ ਵਿਰਾਸਤ ਮਿਸ਼ਨ ਜੈਤੋ ਦੇ ਅਣਥੱਕ ਯਤਨਾਂ ਕਰਕੇ ਮੇਰੀ ਜ਼ਿੰਦਗੀ ਜਿਊਣ ਦਾ ਢੰਗ ਹੀ ਹੋਰ ਹੋ ਗਿਆ ਹੈ। ਹੁਣ ਮੈਂ ਬਾਜ਼ਾਰ 'ਚੋਂ ਨਾ ਤਾਂ ਬੀਜ ਖ਼ਰੀਦਣ ਜਾਂਦਾ ਹਾਂ ਨਾ ਹੀ ਮੈਂ ਕੋਈ ਖਾਦ ਨਾ ਕੀਟ-ਨਾਸ਼ਕ, ਨਾ ਨਦੀਨ-ਨਾਸ਼ਕ ਖ਼ਰੀਦਣ ਜਾਂਦਾ ਹਾਂ। ਸਗੋਂ ਮੈਂ ਤਾਂ ਬਾਜ਼ਾਰ ਵੇਚਣ ਹੀ ਜਾਂਦਾ ਹਾਂ। ਘਰ ਦੀਆਂ ਘਰੇਲੂ ਜ਼ਰੂਰਤਾਂ ਚਾਹੇ ਸਬਜ਼ੀਆਂ ਹਨ, ਚਾਹੇ ਦਾਲਾਂ, ਚਾਹੇ ਗੰਨਾ, ਸੌਂਫ, ਆਦਿ ਚੀਜ਼ਾਂ ਮੈਂ ਸਾਰੀਆਂ ਹੀ ਆਪਣੀ ਛੋਟੀ ਜਿਹੀ 5 ਏਕੜ ਜ਼ਮੀਨ ਵਿੱਚ ਪੈਦਾ ਕਰਕੇ ਆਪਣੇ ਪਰਿਵਾਰ ਦਾ ਗੁਜਾਰਾ ਵਧੀਆ ਢੰਗ ਨਾਲ ਚਲਾ ਰਿਹਾ ਹਾਂ। ਮੈਨੂੰ ਨਾ ਤਾਂ ਖਾਦ ਦੇ ਪੈਸੇ ਦੇਣ ਦਾ ਕੋਈ ਫਿਕਰ ਹੈ ਅਤੇ ਨਾ ਹੀ ਕੀਟ-ਨਾਸ਼ਕ ਜਾਂ ਨਦੀਨ-ਨਾਸ਼ਕ ਦੇ ਕਿਸੇ ਦੇਣਦਾਰੀ ਦਾ ਫ਼ਿਕਰ ਹੈ। ਮੇਰੇ ਖੇਤ ਵਿਚੋਂ ਜੋ ਕੁਝ ਵੀ ਹੁੰਦਾ ਹੈ ਉਹ ਮੇਰਾ ਸਭ ਆਪਣਾ ਹੈ। ਮੇਰੇ ਘਰ ਰੱਖੀ ਹੋਈ ਦੇਸੀ ਗਾਂ ਹੀ ਮੇਰੀ ਫਰਟੀਲਾਈਜ਼ਰ ਅਤੇ ਪੈਸਟੀਸਾਈਡ ਦੀ ਵੱਡੀ ਫੈਕਟਰੀ ਹੈ।

ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਕਰਨ ਵਾਲੇ ਇਹ ਕਿਸਾਨ ਅਮਰਜੀਤ ਸ਼ਰਮਾ ਹਨ ਜੋ ਜੈਤੋ ਨੇੜਲੇ ਪਿੰਡ ਚੈਨਾ (ਫਰੀਦਕੋਟ) ਦੇ ਵਸਨੀਕ ਹਨ। ਆਪਣੀ ਪੰਜ ਏਕੜ ਜ਼ਮੀਨ ਨਾਲ ਆਪਣਾ ਗੁਜ਼ਾਰਾ ਬਹੁਤ ਹੀ ਵਧੀਆ ਢੰਗ ਨਾਲ ਚਲਾ ਰਹੇ ਹਨ; ਇਨ੍ਹਾਂ ਦੀ ਸਾਰੀ ਖੇਤੀ ਕੁਦਰਤੀ ਖੇਤੀ 'ਤੇ ਅਧਾਰਿਤ ਹੈ।

ਪਤਾ :- ਅਮਰਜੀਤ ਸ਼ਰਮਾ

ਪਿੰਡ ਅਤੇ ਡਾਕਖਾਨਾ ਚੈਨਾ, ਜ਼ਿਲ੍ਹਾ ਫਰੀਦਕੋਟ।

ਫੋਨ: 94635-50720