ਇਹ ਕੁਦਰਤੀ ਸੋਮੇ ਵਾਹਿਗੁਰੂ ਦੀ ਦਾਤ ਹਨ। 'ਬਲਿਹਾਰੀ ਕੁਦਰਤਿ ਵਸਿਆ ਤੇਰਾ ਅੰਤੁ ਨ ਜਾਈ ਲਖਿਆ ॥ ਕਹਿ ਕੇ ਗੁਰੂ ਸਾਹਿਬਾਨ ਨੇ ਕੁਦਰਤ ਵਿਚ ਵਸੀ ਹੋਈ ਰੂਹਾਨੀਅਤ ਦਾ ਜ਼ਿਕਰ ਕੀਤਾ ਹੈ, ਅਸੀਂ ਉਸੇ ਕੁਦਰਤ ਦਾ ਅੰਤ ਕਰਨ 'ਤੇ ਤੁਲ ਗਏ ਹਾਂ। 'ਪਵਨ ਗੁਰੂ ਪਾਣੀ ਪਿਤਾ ਮਾਤਾ ਧਰਤਿ ਮਹਤੁ' ਕਹਿ ਕੇ ਕੁਦਰਤ ਤੇ ਮਨੁੱਖ ਦੇ ਗੁਰੂ ਸਾਹਿਬਾਨ ਨੇ ਦਰਸਾਇਆ ਸੀ ਅਸੀਂ ਉਸ ਰਿਸਤੇ ਨੂੰ ਅੱਜ ਵਿਸਾਰ ਬੈਠੇ ਹਾਂ। ਅਸੀਂ ਨਾ ਤਾਂ ਪਵਨ ਨੂੰ ਗੁਰੂ ਦਾ ਦਰਜ਼ਾ ਦੇ ਰਹੇ ਹਾਂ ਤੇ ਨਾ ਹੀ ਪਾਣੀ ਨਾਲ ਪਿਤਾ ਵਾਲਾ ਤੇ ਧਰਤੀ ਨਾਲ ਮਾਤਾ ਵਾਲਾ ਵਤੀਰਾ ਕਰ ਰਹੇ ਹਾਂ। ਇਹ ਉਸ ਕੁਦਰਤ ਪ੍ਰਤੀ ਕੀਤੀ ਗਈ ਹਿੰਸਾ ਹੈ ਜਿਸ ਦੇ ਕਣ-ਕਣ ਵਿਚ ਰੱਬ ਦਾ ਨਿਵਾਸ ਹੈ। ਇਹ ਪਾਪ ਸਾਡੇ ਵਰਤਮਾਨ ਤੇ ਸਾਡੀਆਂ ਅਉਣ ਵਾਲੀਆਂ ਨਸਲਾਂ ਦੋਹਾਂ 'ਤੇ ਭਾਰੂ ਪਵੇਗਾ। ਆਓ, ਆਪਣੀਆਂ ਭੁੱਲਾਂ ਬਖ਼ਸ਼ਾਉਂਦੇ ਹੋਏ ਮੁੜ ਕੁਦਰਤ ਮਾਂ ਦੀ ਗੋਦ ਵਿਚ ਚੱਲੀਏ।

ਖੇਤੀ ਵਿਰਾਸਤ ਮਿਸ਼ਨ, ਜੈਤੋ ਵਾਤਾਵਰਣ ਪੰਚਾਇਤ ਇਸ ਉਦੇਸ਼ ਨਾਲ ਕੁਦਰਤੀ ਖੇਤੀ, ਕਦਰਤੀ ਸੋਮਿਆਂ ਦੀ ਸਾਂਭ-ਸੰਭਾਲ, ਵਾਤਾਵਰਣ ਨਾਲ ਸਬੰਧਿਤ ਵਿਸ਼ਿਆਂ 'ਤੇ ਸਰਗਰਮ ਟਿਕਾਊ ਖੇਤੀ ਤੇ ਵਾਤਾਵਰਣ ਲਹਿਰ ਹੈ। ਕੁਦਰਤ ਦੀ ਸੇਵਾ ਕਰਨ ਦੇ ਚਾਹਵਾਨ ਸਾਰੇ ਪੰਜਾਬੀਆਂ ਨੂੰ ਇਸ ਵਾਤਾਵਰਣ ਲਹਿਰ ਦਾ ਹਿੱਸਾ ਬਣਨ ਲਈ ਖੁੱਲ੍ਹਾ ਸੱਦਾ ਹੈ। ਆਓ, ਆਪਣੇ ਕੁਦਰਤੀ ਸੋਮਿਆਂ ਦੀ ਸਾਂਭ-ਸੰਭਾਲ ਕਰਕੇ ਕੁਦਰਤ ਪ੍ਰਤੀ ਆਪਣਾ ਫ਼ਰਜ਼ ਨਿਭਾਈਏ ਅਤੇ ਸਰਬੱਤ ਦਾ ਭਲਾ ਕਰਨ ਲਈ ਇਕ ਰਚਨਾਤਮਕ ਪਹਿਲ ਕਰੀਏ। ਉਮੇਂਦਰ ਦੱਤ ਕਾਰਜਕਾਰੀ ਨਿਰਦੋਸ਼ਕ ਕੁਦਰਤੀ ਖੇਤੀ ਅਤੇ ਵਾਤਾਵਰਣ ਸਬੰਧੀ ਵਿਸ਼ਿਆਂ ਲਈ ਸੰਪਰਕ ਕਰੋ: ਖੇਤੀ ਵਿਰਾਸਤ ਮਿਸ਼ਨ-ਵਾਤਾਵਰਣ ਪੰਚਾਇਤ ਕਰੀਏ।

ਉਮੇਂਦਰ ਦੱਤ

ਕਾਰਜਕਾਰੀ ਨਿਰਦੇਸ਼ਕ