ਕੁਦਰਤੀ ਖੇਤੀ

ਭਗਤ ਪੂਰਨ ਸਿੰਘ ਪਿੰਗਲਵਾੜਾ ਕੁਦਰਤੀ ਖੇਤੀ ਫ਼ਾਰਮ ਧੀਰਾ ਕੋਟ ਨਜ਼ਦੀਕ ਜੰਡਿਆਲਾ ਗੁਰੂ ਅੰਮ੍ਰਿਤਸਰ ਵਿਖੇ ਸਥਿਤ ਹੈ। ਇਸ 32 ਏਕੜ ਫ਼ਾਰਮ ਵਿਚ ਕੁਦਰਤੀ ਖੇਤੀ ਕੀਤੀ ਜਾਂਦੀ ਹੈ। ਇਸ ਦਾ ਮੁੱਢ ਸ੍ਰੀ ਸੁਭਾਸ਼ ਪਾਲੇਕਰ (ਮਹਾਰਾਸ਼ਟਰ) ਤੇ ਓਮੇਂਦਰ ਦੱਤ (ਖੇਤੀ ਵਿਰਾਸਤ ਮਿਸ਼ਨ, ਜੈਤੋ) ਦੇ ਸੁਝਾਵਾਂ ਰਾਹੀਂ ਹੋਇਆ। ਅੱਜ ਇਸ ਫ਼ਾਰਮ ਵਿਚ ਕੋਈ ਵੀ ਰਸਾਇਣਕ ਖਾਦ ਜਾਂ ਕੀੜੇ ਮਾਰ ਦਵਾਈ ਨਹੀਂ ਵਰਤੀ ਜਾਂਦੀ ਤੇ ਫ਼ਸਲ ਵੀ ਰਸਾਇਣਿਕ ਖੇਤੀ ਤੋਂ ਜ਼ਿਆਦਾ ਹੋ ਰਹੀ ਹੈ ।

ਇਸ ਜ਼ਮੀਨ ਤੋਂ ਸਬਜ਼ੀਆਂ ਦੀ ਕਾਸ਼ਤ ਜਿਵੇਂ ਕਿ ਟੀਂਡੇ, ਘੀਆ, ਤੋਰੀ, ਕਰੇਲਾ, ਘੀਆ ਕੱਦੂ, ਤਰਾਂ, ਭਿੰਡੀ, ਫੁੱਲ ਗੋਭੀ, ਲਸਣ, ਪਾਲਕ ਮੇਥੀ, ਪਿਆਜ਼, ਗੰਨਾ, ਮੂਲੀ, ਗਾਜਰ, ਸ਼ਲਗਮ ਆਦਿ ਕੀਤੀ ਗਈ। ਇਨ੍ਹਾਂ ਵਿੱਚ ਜੀਵ ਅੰਮ੍ਰਿਤ, ਅਗਨੀ ਅਸਤਰ, ਦੇਸੀ ਖਾਦ ਤੇ ਬੀਜ ਸੋਧਕ ਦੀ ਵਰਤੋਂ ਕੀਤੀ ਗਈ ਜਿਸ ਨਾਲ ਉਤਪਾਦਨ ਬਹੁਤ ਹੀ ਚੰਗਾ ਹੋਇਆ ।

ਸਉਣੀ ਦੀਆਂ ਸਬਜ਼ੀਆਂ ਨਾਲ ਜਿਹੜੀਆਂ ਪਕਵੀਆਂ ਫ਼ਸਲਾਂ ਇਸ ਵਿਧੀ ਨਾਲ ਤਿਆਰ ਕੀਤੀਆਂ ਹਨ ਉਹ ਹਨ :-

1. ਬਾਸਮਤੀ 1121

2. ਬਾਸਮਤੀ 386

3. ਬਾਸਮਤੀ ਪੰਜਾਬ 2

ਇਨ੍ਹਾਂ ਤਿੰਨਾਂ ਦੇ ਬੀਜਣ ਦੀ ਵਿਧੀ ਵੱਖਰੀ ਹੈ ।

1. ਬਾਸਮਤੀ 1121 (ਸਿੱਧੀ ਬਿਜਾਈ) : ਇਕ ਏਕੜ ਵਿਚ 293 ਲਾਈਨਾਂ (ਖੇਲ੍ਹਾਂ) ਰਾਹੀਂ ਟਰੈਕਟਰ ਨਾਲ ਕੇਰ ਕੇ ਸਿੱਧੀ ਬਿਜਾਈ (Direct Sowing) 8 ਕਿਲੋ ਬੀਜ ਪ੍ਰਤੀ ਏਕੜ ਦੇ ਹਿਸਾਬ ਨਾਲ 4 ਜੂਨ ਨੂੰ ਕੀਤੀ ਗਈ। ਇਸ ਨਾਲ ਪਾਣੀ ਦੀ 25 ਤੋਂ 30 ਪ੍ਰਤੀਸ਼ਤ ਬੱਚਤ ਹੋਈ ਹੈ। ਸਰਕਾਰ