ਧਾਰਨ ਕਰ ਲੈਦੇ ਹਨ। ਜਦੋਂ ਤੁਸੀਂ ਇਸ ਸੁੱਕੇ ਗਾੜ੍ਹੇ ਜੀਵ-ਅੰਮ੍ਰਿਤ ਨੂੰ ਭੂਮੀ ਵਿਚ ਪਾਉਂਦੇ ਹੋ ਤਾਂ ਨਮੀ ਮਿਲਦੇ ਹੀ ਇਹ ਸੂਖ਼ਮ ਜੀਵ ਆਪਣਾ ਖੋਲ ਤੋੜ ਕੇ ਸਮਾਧੀ ਭੰਗ ਕਰਕੇ ਕ੍ਰਿਆ-ਸ਼ੀਲ ਹੋ ਕੇ ਆਪਣਾ ਕੰਮ ਕਰਨ ਲੱਗ ਪੈਂਦੇ ਹਨ। ਜਿਨ੍ਹਾਂ ਕਿਸਾਨਾਂ ਕੋਲ ਗੋਬਰ ਜ਼ਿਆਦਾ ਹੋਵੇ ਉਹ ਫਾਲਤੂ ਗੋਬਰ ਤੋਂ ਸੁੱਕਾ ਗਾੜ੍ਹਾ ਜੀਵ-ਅੰਮ੍ਰਿਤ ਬਣਾ ਕੇ ਬਰਾਨੀ ਅਤੇ ਸਿੰਚਤ ਫ਼ਸਲਾਂ ਵਿੱਚ ਗੋਬਰ ਖਾਦ ਨਾਲ ਮਿਲਾ ਕੇ ਉਪਯੋਗ ਕਰਨ। ਬਹੁਤ ਵਧੀਆ ਅਤੇ ਚਮਤਕਾਰੀ ਨਤੀਜੇ ਮਿਲਦੇ ਹਨ। ਕਿਸੇ ਵੀ ਫ਼ਸਲ ਦੀ ਬਿਜਾਈ ਦੇ ਸਮੇਂ ਪ੍ਰਤੀ ਏਕੜ 100 ਕਿਲੋ ਛਾਣਿਆ ਹੋਇਆ ਗੋਬਰ ਖਾਦ (Farm Yard Menure) ਅਤੇ 10 ਤੋਂ 100 ਕਿਲੋ ਸੁੱਕਾ ਗਾੜ੍ਹਾ ਜੀਵ-ਅੰਮ੍ਰਿਤ ਬੀਜ ਦੇ ਨਾਲ ਹੀ ਬੀਜ ਦੇ ਸਾਹਮਣੇ ਪਾਉਣਾ ਹੈ। ਬਹੁਤ ਹੀ ਚੰਗੇ ਨਤੀਜੇ ਮਿਲਦੇ ਹਨ। ਮੈਂ ਇਹ ਤਜਰਬਾ ਹਰ ਫ਼ਸਲ ਲਈ ਅਤੇ ਹਰੇਕ ਫ਼ਲਦਾਰ ਪੌਦਿਆਂ ਲਈ ਕਰਕੇ ਵੇਖਿਆ ਹੈ। ਚਮਤਕਾਰੀ ਸਿੱਟੇ ਮਿਲੇ ਹਨ। ਇਸ ਤਰ੍ਹਾਂ ਨਾਲ ਤੁਸੀਂ ਰਸਾਇਣਕ ਖੇਤੀ ਤੋਂ ਵੀ ਵੱਧ ਉਪਜ ਲੈ ਸਕਦੇ ਹੋ।

ਜੀਵ-ਅੰਮ੍ਰਿਤ ਦਾ ਛਿੜਕਾਅ

ਮੈਂ ਜੀਵ-ਅੰਮ੍ਰਿਤ ਨੂੰ ਭੂਮੀ ਵਿੱਚ ਪਾਉਣ ਦੇ ਨਾਲ ਨਾਲ ਉਸਦਾ ਹਰ ਫ਼ਸਲ 'ਤੇ ਅਤੇ ਫ਼ਲਦਾਰ ਦਰੱਖਤਾਂ 'ਤੇ ਛਿੜਕਾਅ ਕਰਨ ਦੇ ਅਨੇਕਾਂ ਪ੍ਰਯੋਗ ਕੀਤੇ ਹਨ। ਇਸ ਤਰ੍ਹਾਂ ਕਰਨ ਦੇ ਨਿਕਲਣ ਵਾਲੇ ਸਿੱਟਿਆਂ ਦਾ ਨਿਰੀਖਣ ਕੀਤਾ ਹੈ। ਜੀਵ-ਅੰਮ੍ਰਿਤ ਦੀ ਅੱਡ ਅੱਡ ਮਾਤਰਾ ਵਰਤ ਕੇ ਪ੍ਰਯੋਗ ਕੀਤੇ ਹਨ। ਜੀਵ-ਅੰਮ੍ਰਿਤ ਨੂੰ ਹਰੇਕ ਨਛੱਤਰ ਵਿੱਚ ਹਰ ਨਛੱਤਰ ਦੇ ਹਰੇਕ ਚਰਨ ਵਿੱਚ ਛਿੜਕਾਵ ਦੇ ਨਤੀਜੇ ਵੀ ਦੇਖੋ ਹਨ; ਬੜੇ ਹੀ ਚਮਤਕਾਰੀ ਸਿੱਟੇ ਮਿਲੇ ਹਨ। ਮੈਂ ਜੀਵ-ਅੰਮ੍ਰਿਤ ਨੂੰ ਹਰੇਕ ਫ਼ਸਲ 'ਤੇ ਛਿੜਕ ਕੇ ਦੇਖਿਆ ਹੈ। ਉਦਾਹਰਣ ਦੇ ਤੌਰ 'ਤੇ—ਗੰਨਾ, ਕੇਲਾ, ਜੀਰੀ, ਕਣਕ, ਜਵਾਰ, ਮੱਕੀ, ਅਰਹਰ, ਮੂੰਗੀ, ਮਾਂਹ, ਛੋਲੇ, ਸੂਰਜ- ਮੁੱਖੀ, ਸਰ੍ਹੋਂ, ਬਾਜਰਾ, ਮਿਰਚਾਂ, ਪਿਆਜ, ਹਲਦੀ, ਫੁੱਲ-ਪੌਦੇ, ਬੈਂਗਣ, ਟਮਾਟਰ, ਆਲੂ, ਹਰੀਆਂ ਸਬਜ਼ੀਆਂ, ਗਵਾਰਾ, ਲਸਣ, ਦਵਾ-ਪੌਦੇ ਆਦਿ ਫ਼ਸਲਾਂ ਉੱਪਰ ਛਿੜਕਣ ਦੀ ਵਿਧੀ ਇਸ ਤਰ੍ਹਾਂ ਹੈ। ਤੁਸੀਂ ਮਹੀਨੇ ਵਿੱਚ ਘੱਟੋ ਘੱਟ ਇਕ ਵਾਰੀ ਜਾਂ ਦੋ-ਤਿੰਨ ਵਾਰੀ ਜੀਵ-ਅੰਮ੍ਰਿਤ ਛਿੜਕੋ।