ਚੰਦ੍ਰਰਾਜ* ਨੇ ਹਸ਼ਤ ਧਾਤ ਦਾ

ਥੰਮ੍ਹ ਜਿਵੇਂ ਬਨਵਾਇਆ,

ਯਾਦਗਾਰ ਅਪਣੀ ਦੀ ਖਾਤਰ

ਇਸ ਥਾਂ ਤੇ ਗਡਵਾਇਆ,

ਤਿਵੇਂ, ਦੱਸ, ਤੁਧ ਯਾਦਗਾਰ ਹਿਤ

ਪ੍ਰਿਥੀ ਰਾਜ ਬਨਵਾਇਆ ?

ਹਿੰਦੂ ਰਾਜ ਗਏ ਦਾ ਬਾਕੀ

ਤੂੰ ਨਿਸ਼ਾਨ ਰਹਾਇਆ

ਅਸ਼ੇਕ ਪੁਤਰੀ ਜਿਉਂ ਲੰਕਾ ਵਿਚ

ਬੋਧੀ ਬੋੜ੍ਹ ਜਮਾਇਆ,

ਕੁਤਬਦੀਨ ਨੇ ਕੀ ਤਿਉਂ ਤੈਨੂੰ

ਥੰਮ੍ਹ ਇਸਲਾਮ ਗਡਾਇਆ ?

ਜਾਂ ਹਿੰਦੂ ਤੂੰ ਕੁਤਬਦੀਨ ਨੇ

ਕਲਮਾ ਆਣ ਪੜ੍ਹਾਇਆ ?

–––––––––––––

* ਕੁੱਤਬ ਦੀ ਲਾਠ ਪਾਸ ਇਕ ਵਿਸਨੂੰ ਦੀ ਗਦਾ ਚੇਖੀ ਵੱਡੀ ਤੇ ਉੱਚੀ ਹਸ਼ਤ ਧਾਂਤੀ ਸਦੀਆਂ ਤੋਂ ਖੜੀ ਹੈ, ਇਹ ਚੰਦ੍ਰ ਰਾਜ ਨੇ ਆਪਣੀ ਵਿਜੈ ਤੇ ਬਣਵਾਈ ਸੀ। ਇਹ ਟਿਕਾਣਾ ਸਾਰਾ ਇਕ ਵਿਸਨੂੰ ਮੰਦਰ ਹੈ ਜੋ ਮੁਸਲਮਾਨਾਂ ਨੇ ਢਾਹਕੇ ਕਬਰਾਂ ਨਾਲ ਭਰਿਆ ਹੈ।