ਨਾ ਟੋਲੀਏ ਨੀ

 

ਗੋਲੀ

ਇਹ ਤਾਂ ਨਿਰਾ ਹੈ

ਅੰਧ-ਵਿਸ਼ਵਾਸ ਰਾਣੀ

ਅੱਖਾਂ ਮੁੰਦ ਕੇ ਖੂਹੇ ਦੀ ਮਣ ਭੌਣੀ

ਏਸ ਤਰ੍ਹਾਂ

ਇਸ ਦੇਸ ਦੀ ਨਾਰ ਰਾਣੀ

ਲੱਖਾਂ ਜਨਮ ਨਾ ਦੁੱਖਾਂ ਤੋਂ

ਮੁਕਤ ਹੋਣੀ

 

ਇੱਛਰਾਂ

ਨਾਰੀ ਨਾਂ ਹੀ

ਅੰਧ-ਵਿਸ਼ਵਾਸ ਦਾ ਹੈ

ਨਾਰੀ ਸਦਾ ਅਨਿਆਂ 'ਚੋਂ ਜਨਮ ਲੈਂਦੀ

ਨਾਰੀ ਨਾਮ

ਇਕ ਐਸੇ ਅਹਿਸਾਸ ਦਾ ਹੈ

ਜਿਵੇਂ ਜ਼ਖ਼ਮ 'ਚ

ਪੀੜ ਹੈ ਘੁਲੀ ਰਹਿੰਦੀ

 

ਗੋਲੀ

ਜੇ ਕਰ ਰਾਣੀਏ

ਇਹ ਵਿਸ਼ਵਾਸ ਤੇਰਾ

ਤਾਂ ਤੂੰ ਐਵੇਂ

ਸਲਵਾਨ ਨੂੰ ਰੇ ਨਾਹੀਂ

ਇਕ ਛੱਡ ਪ੍ਰਣਾਏ ਉਹ ਲੱਖ ਲੂਣਾ

ਐਵੇਂ ਨੈਣਾਂ 'ਚ

ਹੰਡ ਪਰੋ ਨਾਹੀ