ਅੱਖਾਂ ਦਾ ਮਟਕਾਉਣਾ
ਮੋਟੀਆਂ-ਮੋਟੀਆਂ ਬਿੱਲੀਆਂ-ਬਿੱਲੀਆਂ ਅੱਖਾਂ ਦਾ ਮਟਕਾਉਣਾ।
ਮੈਨੂੰ ਅੱਜ ਵੀ ਸੋਹਣਾ ਲੱਗਦੈ ਓਹਦਾ ਸਜਕੇ ਆਉਣਾ।
ਦਿਲ ਦੀਆਂ ਗੱਲਾਂ ਦਿਲ ਵਿੱਚ ਰੱਖੇ ਮੂੰਹੋਂ ਕੁਝ ਨਾ ਬੋਲੇ,
ਅੱਖਾਂ-ਅੱਖਾਂ ਰਾਹੀਂ ਓਹਦਾ ਦਿਲ ਦਾ ਹਾਲ ਸੁਣਾਉਣਾ।
ਮਾਖਿਓਂ ਮਿੱਠੇ ਬੋਲ ਨੇ ਓਹਦੇ ਜਾਂ ਖੰਡ ਮਿਸ਼ਰੀ ਦੀਆਂ ਡਲੀਆਂ,
ਕਾਇਨਾਤ ਨੂੰ ਜੱਫ਼ੀਆਂ ਪਾਉਂਦਾ ਓਹਦਾ ਹੱਸਣਾ ਤੇ ਸ਼ਰਮਾਉਣਾ।
"ਆਪਣੇ ਮੁੱਖ ਚੋਂ ਮੈਨੂੰ ਜਦ ਉਹ "ਸੋਨੀ-ਸੋਨੀ" ਆਖੇ,
ਕਿੰਨਾਂ ਸੋਹਣਾ ਲੱਗੇ ਓਹਦੇ ਮੂੰਹ ਵਿੱਚੋਂ ਫਰਮਾਉਣਾ।
