ਜ਼ਿੰਦਗੀ ਦਾ ਵੱਲ

ਤੇਰੇ ਮੂੰਹੋਂ ਮੈਂ ਕਦੇ ਇਹ ਨਹੀਂ ਸੁਣਿਆ

“ਕੁੜੀਆਂ ਫੇਸਬੁੱਕ ’ਤੇ ਫੋਟੋ ਨਹੀਂ ਪਾਉਂਦੀਆਂ "

ਮਹਿਬੂਬ ਹੋਣ ਤੋਂ ਪਹਿਲਾਂ

ਬਰਾਬਰਤਾ ਦੇ ਹੱਕ ਸਮਝਣ ਵਾਲਾ

ਦੋਸਤ ਬਣਨ ਲਈ ਸ਼ੁਕਰਾਨੇ ..

 

ਕੁਦਰਤ ਨੇ ਹਵਾ ਨੂੰ ਰੁਮਕਣਾ ਸਿਖਾਇਆ

ਤਾਹੀਂ ਹਵਾ ਝੁਕ-ਝੁਕ ਸਲਾਮਾਂ ਕਰਦੀ

ਤੂੰ ਮੈਨੂੰ ਜਿਉਣਾ ਸਿਖਾਇਆ

ਨਾਸ਼ੁਕਰੀ ਹੋ ਮੈਂ ਭਲਾ ਕਿੱਥੇ ਜਾਣਾ ??

 

ਤੇਰੇ ਦਰ ਤੋਂ ਕਦੇ ਊਣੀ ਨਹੀਂ ਮੁੜੀ

ਮੈਂ ਤਾਂ ਸ਼ਿੱਦਤ ਨਾਲ ਮੁਹੱਬਤ ਕੀਤੀ ਏ

ਦੂਣੀ ਹੋਣ ਦਾ ਲਾਲਚ ਕਦੇ ਨਹੀਂ ਕੀਤਾ ...

ਪਤਾ ਤੂੰ ਮੇਰੇ ਖਿਆਲਾਂ ਚ ਨੱਚਦਾ ਏ

ਅਹਿਸਾਸਾਂ ਦਾ ਸੰਗੀਤ ਤੈਨੂੰ ਵੀ

ਤਾਂ ਟਿਕਣ ਨਹੀ ਦਿੰਦਾ